Иванова Клавдия Алексеевна

1945

   1945 с. ыам ыйын 4 күнүгэр Дьабыл нэһилиэгэр төрөөбүтэ. 1958 с. Новосибирскайдааҕы үҥкүү училищетыгар үөрэнэ киирэр. 1964 с. үөрэҕин бүтэрэн,  музыкальнай-драматическай тыйаатырга үлэлии кэлэр. Кэлин оҕо искусствотын оскуолатыгар уһуйааччынан үлэлиир. Сүрүн оруоллара: “Чурумчукуга” - Ньургуйаана, “Жизельга” - Жизель.

   Клавдия Алексеевна бэйэтин талаанынан дьону үөрдэрэ. Москубаҕа, Уфаҕа, Ульяновскайга Саха сирин литературатын уонна искусствотын күннэригэр, Хакасияҕа, Бурятияҕа, Красноярскай, Хабаровскай кыраайдарга, Магадан, Иркутскай уобалаһыгар тыйаатырынан гастролларга, Туваҕа, Читинскай уобаласка, Амма улууһугар испиктээхтэргэ кыттыбыта. К.А.Иванова үҥкүү кэрэ эйгэтигэр ситиһиилэрин иһин, 1972 с. Саха АССР, 1988с. РСФСР үтүөлээх артыыскатын аатын иҥэрбиттэрэ.

    Клавдия Алексеевна сүрдээх дьоҕурдаах, үлэтигэр бэриниилээх балерина. Г.Комраков туруорбут “Подвиг” балетыгар Маайыс партиятын олус истиҥник, А.Петров “Сотворение мира” балетыгар Ева оруолун  ситиһиилээхтик толорбута. Кини үгүс кэнсиэрдэргэ кыттыбыта, Саха сирин улуустарын кэрийэн элбэх гастролларга сылдьыбыта. Өрүү буоларын курдук, көрөөччүлэрэ, сүгүрүйээччилэрэ кинини үөрэн-көтөн, сылаастык көрсөллөрө. К.А.Иванова классическай балет искусствотын үрдүктүк тутар, сыаналыыр.

  • 1945 сыллаахха ыам ыйын 4 күнүгэр Мэҥэ-Хаҥалас оройуонун Дьабыл нэһилиэгэр Нуораҕана сэл. төрөөбүтэ.
  • 1956 сыллаахха Дьокуускай куоракка музыка оскуолатыгар виолончель кылааһыгар үөрэнэ киирбитэ.
  • 1958-1964 сылларга Новосибирскайдааҕы хореографическай училищеҕа ситиһиилээхтик үөрэммитэ.
  • Үөрэҕин бүтэрэн кэлэн, 1964-1993 сылларга П.А. Ойуунускай аатынан Саха государственнай музыка уонна драма театрыгар балет артыыһынан таһаарыылаахтык үлэлээбитэ.

       1993-2004 сылларга - Оҕо ускуустубатын оскуолатыгар классическай үҥкүү. Толорбут партиялара

  • Танечка, Ласточка («Доктор Айболит», А. Морозов)
  • Нюргуяна, Кыталык («Чурумчуку», Ж. Батуев)
  • Маайыс («Подвиг», Г. Комраков)
  • Золушка («Золушка», С. Прокофьев)
  • Машенька («Щелкунчик», П. Чайковскай)
  • Жизель («Жизель», А. Адан)
  • Ева («Сотворение мира, А. Петров)
  • Эсмеральда («Собор Парижской Богоматери», Ц. Пуни)
  • Никия («Баядерка», Л. Минкус), Күн Куо («Күн Куо», В. Кац)
  • Лиза («12 стульев», Г. Гладков)
  • Барышня («Барышня и Хулиган», Д. Шостакович)
  • Джульетта («Ромео и Джульетта», П. Чайковскай)
  • Франческа («Франческа да Римини» П. Чайковскай) уонна балет историятын педагога.

В. Бочаров «Сияние Севера», Р. Щедрин «Двое», Ф. Шопен «Шопениана», В.А. Моцарт «Маленькая ночная серенада», Д. Салиман-Владимиров «Священный Ильмень» балеттарыгар эмиэ сүрүн партиялары толорбута.  Ону таһынан Г. Комраков «Орлы летят на Север», И. Штраус «Голубой Дунай», М. Жирков уонна Г. Литинскэй «Алый платочек», Л. Бетховен «Аппассионата», Ш. Гуно «Вальпургиева ночь» балеттарга кыттыбыта.