Главная » 2019 » Сентябрь » 2 » Билии күнэ
13:33
Билии күнэ

 

В.П.Ларионов аатынан Майа орто оскуолатыгар Билии күнэ Манчаары аатынан стадиоҥҥа буолла. 2019-2020 үөрэх дьылыгар бу кыһаҕа 104 үөрэнээччи маҥнайгы кылааска киирдэ. 49 оҕо 11-с кылааска үөрэниэҕэ.

Ааспыт үөрэх дьылын түмүгүнэн В.П.Ларионов аатынан Майа орто оскуолата өрөспүүбүлүкэҕэ 102 агро-хайысхалаах оскуолалар икки ардыларыгар үһүс төгүлүн бастакы миэстэни ылбыта. Оҕону үлэнэн иитиигэ болҕомтотун уурар педагогическай кэлэктиип үөрэнээччилэрин ситиһиитэ сыллата элбээн иһэр. Балаҕан ыйын 20 күнүгэр үөрэнээччилэр Анапаҕа Бэрэсидьиэн күрэхтэһиитигэр өрөспүүбүлүкэ чиэһин көмүскүү барыахтара.

Билии күнүгэр оҕолору уонна учууталлары оскуола дириэктэрэ Светлана Игнатьева, улуус баһылыга Николай Старостин, «Майа сэлиэнньэтэ» МТ баһылыга Дмитрий Тихонов, үөрэх управлениетын начаалынньыга Ирина Черкашина уонна «Алмазэргиэнбанк» тэрилтэ салайааччыта Екатерина Дмитриева истиҥник эҕэрдэлээтилэр. 11-с кылаас оҕолоро оскуола боруогун саҥа атыллаабыт кырачааннарга бэлэхтэри туттардылар. Оскуола сайдыытыгар бэйэлэрин кылааттарын киллэрсибит оҕолор өйдөбүнньүк бэлиэлэринэн наҕараадаланнылар. Эдэр учууталлар көҕүлээһиннэринэн Билии күнүн бырааһынньыга үҥкүүлээх-битиилээх, ырыалаах-тойуктаах үрдүк таһымҥа ааста.

Просмотров: 31 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]