Главная » 2020 » Февраль » 8 » Декада Ларионова
07:07
Декада Ларионова

Сахаттан бастакы академик Владимир Петрович Ларионовка

аналлаах декада саҕаланна

Олунньу маҥнайгы күнүттэн улууспутугар Саха норуотун чулуу киһитэ, академик Владимир Петрович Ларионов сырдык аатыгар аналлаах республика таһымнаах декада саҕаланна. Ол чэрчитинэн, В.П. Ларионов аатынан Майа орто оскуолатыгар үөрэнээччилэргэ уонна учууталларга аналлаах Бүтүн Дойду, республика, улуус таһымнаах билим-чинчийии кэмпириэнсийэлэрэ, киэҥ хабааннаах күрэхтэр, араас тэрээһиннэр ыытыллаллар.

Олунньу 1 күнүгэр алын кылаас үөрэнээччилэригэр аналлаах улуустааҕы «Эдэр Ларионовец» билим-чинчийии кэмпириэнсийэтэ, кыайыы 75 сылыгар аналлаах байыаннай тиэхиньикэ мадьыалларын быыстапката ыытылынна.

Кэмпириэнсийэҕэ уопсайа 154 үөрэнээччи кытынна. Билим эйгэтигэр саҥа үктэммит кырачаан чинчийээччилэр үлэлэрин алта сиэксийэнэн көмүскээтилэр.

Чинчийээччилэр саастарынан төһө да кыра буолбуттарын иһин, наука кирилиэһин бары үктэллэрин ааһан, муҥутуур чыпчаалыгар тиийэ Россиятааҕы наукалар Академияларын академига буола үүммүт Владмир Ларионов үтүө холобурунан, интэриэһиргиир тиэмэлэрин чинчийэн, араас уопуттары оҥорон дьүүллүүр сүбэ иннигэр көмүскээтилэр. Кыайыы 75 сылыгар аналлаах «Өйдүүбүт, киэн туттабыт» сиэксийэ экспертинэн сэрии сылын оҕото, Майа сэлиэнньэтин Ытык Сүбэ чилиэнэ, педагогическай үлэ бэтэрээнэ Анатолий Еремеевич Чичахов үлэлээтэ.

Лауреаттарынан буоллулар:

Физика-математика наукалара: 1-2 кылаастарга – В.П. Ларионов аатынан Майа орто оскуолатын 2 б кылааһын үөрэнээччитэ Эргис Марков-Ким, 3-4 кылаастарга Хара орто оскуолатын 3 кылааһын үөрэнээччитэ Максим Киренский;

Көмпүүтэргэ бырайыактааһын, робототехника: 1-2 кылаастарга – В.П. Ларионов аатынан Майа орто оскуолатын 2 а кылааһын үөрэнээччитэ Андрей Харитонов, 3 – 4 кылаастарга В.П. Ларионов аатынан Майа орто оскуолаты н 3г кылааһын үөрэнээччитэ Тимур Кривогорницын.

«Өйдүүбүт, киэн туттабыт»: 1- 2 кылаастарга В.П. Ларионов аатынан Майа орто оскуолатын 1 г кылааһын үөрэнээччитэ Настя Баишева, 3 – 4 кылаастарга 3 г кылаас үөрэнээччитэ Кривошапкин Рустам.

«Мин үүннэрбит үүнээйим» агро-бырайыактааһын: 1-2 кылаастарга Ф.Г. Охлопков аатынан Майа орто оскуолатын 2 а кылааһын үөрэнээччитэ Магдалена Хлебникова. 3 – 4 кылаастарга Табаҕа орто оскуолатын 4 кылааһын үөрэнээччитэ Каролина Платонова.

Кыайыы 75 сылыгар аналлаах дизайн-бырайыак: 1-2 кылаастарга – Алтан орто оскуолатын 2 кылааһын үөрэннээччитэ Арылхан Стручков, 3 – 4 кылаастарга Павловскай орто оскуолатын 3 кылааһын үөрэнээччитэ Тимурлан Бурнашев.

«Мин төрүччүм»: 1-2 кылаастарга Ф.Г. Охлопков аатынан Майа орто оскуолатын 2б кылааһын үөрэнээччитэ Женя Романов, 3 – 4 кылаастарга Павловскай орто оскуолатын 4 б кылааһын үөрэнээччитэ Толя Егоров.

Кыайыы 75 сылыгар аналлаах байыаннай тиэхиньикэ мадьыалларын быыстапкатыгар 90 үлэ турда. Лауреаттар:В. П. Ларионов аатынан Майа орто оскуолатын 1г кылааһын үөрэнээччитэ Юлиан Захаров, Тыыллыма орто оскуолатын 3 кылааһын үөрэнээччитэ Эльдар Егоров, Аллараа Бэстээх 2№-дээх орто оскуолатын 4 кылааһын үөрэнээччитэ Андрей Волков, Павловскай орто оскуолатын 2 кылааһын үөрэнээччитэ Айгылаан Татаринов.

Владимир Петрович Майа орто оскуолатыгар туйгуннук үөрэммитин, эҥкилэ суох бэрээдэктээҕин туһунан учууталларын, бииргэ үөрэммит доҕотторун ахтыылара кэрэһэлииллэр. Үөрэнээччилэр Володя Ларионов үтүө холобурунан туйгун үөрэхтээх буоларга кыһаллаллар. Академик аатын сүгэр оскуола, декада чэрчитинэн, үгэс быһыытынан сыллата ыытар биир улахан суолталаах тэрээһининэн туйгун үөрэнээччилэри «Володя Ларионов дневнигэр» киллэрии, итиэннэ «Володя Ларионов галереятын» арыйыы үөрүүлээх линейката буолар. Быйыл оскуола тумус туттар туйгун үөрэнээччилэрэ дневниккэ киирбиттэрин туһунан туоһу суругу олунньу маҥнайгы күнүгэр үөрүүлээх быһыыга-майгыга туттулар, уопсайа 81 үөрэнээччи Володя Ларионов галереятын киэн туттуута буоллулар.

В.П. Ларионов аатынан Майа орто оскуолатыгар Бу нэдиэлэҕэ декада чэрчитинэн ыытыллар тэрээһиннэр:

Олунньу 5 күнэ

Ø «Өркөн өй» улуустааҕы хамаанданан күрэх.

Ø Улуустааҕы робототехника турнира (5 – 10 кыл).

Ø Дебаты» муниципальнай турнир.

Ø «Кубик-рубик» оскуола иһинээҕи күрэх (1-4 кыл).

Олунньу 6 күнэ

Ø «Ларионов ааҕыылара» үөрэннээччилэргэ уонна учууталларга аналлаах Бүтүн Россиятааҕы аһаҕас НПК.

Ø «Бизнес-хакатон» республикатааҕы куоҥкурус (8 – 11 кыл)

Ø «Экспериментально-практический лабиринт» (7- 8 кыл).

Ø «АГРОСКИЛЛС-республикатааҕы күрэх» (7-8, 9-10 кыл).

Ø «Аман өс» хомоҕой тыл республикатааҕы күрэҕэ (5 – 10 кыл).

Олунньу 7 күнэ

Ø «Ларионовский бал»

Ø 1 – 4 кыл үөрэнээччилэригэр улуустааҕы кэтэхтэн ыытыллар олмпиада.

Олунньу 8 күнэ

«Мир удивительных наук» оскуола иһинээҕи вертушка – оонньуу

 

Просмотров: 23 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]