Главная » 2020 » Июнь » 28 » Дополнительное образование. Танцевальный ансамбль "Тускул"
01:18
Дополнительное образование. Танцевальный ансамбль "Тускул"

Көрсүө-сэмэй кыталык кыргыттардаах, хорсун-хоодуот уолаттардаах иллээх-эйэлээх 6 «а» кылаас үөрэрээнээччилэрэ оскуолабытын олус таптыыбыт! Биһиэхэ ийэлии истиҥник сыһыаннаһар кылааспыт салайааччыта – Анна Николаевна Евсеева. Кини биһигини талааммытын сайыннаран, хас биирдиибит ураты дьоҕурдаах, ситиһиилээх дьон буола улаатарбытыгар кыһаллар.

Оскуола боруогун маҥнай атыллаан үөрэнээччи аатын сүкпүт дьоллоох күммүтүн бу баардыы өйдүүбүт. Ааҕарга-суруйарга үөрэппит маҥнайгы учууталбыт Марина Эдуардовна Расторгуева бука барыбытын ырыа, үҥкүү кэрэ эйгэтигэр уһуйбута.  Онон кыра кылаастан сыанаҕа туттарга-хаптарга, бэйэбитигэр эрэллээх буоларга үөрэммиппит.

Кылааспыт оҕолоро араас хайысхаҕа барытыгар ситиһиилээхтэр – үөрэҕи өрө тутабыт, спортан да туора турбаппыт, чинчийэр үлэнэн сөбүлээн дьарыктнабыт. Ол эрээри ордук үҥкүүлүүрбүтүн сөбүлүүбүт. Алын кылаастан үҥкүүгэ уһуйбут учууталбыт Лидия Ивановна Артемьева. Кини биһиэхэ анаан араас интэриэһинэй, көрүөхтэн кэрэ үҥкүүлэри туруорар. Онон улуус, республика, норуоттар икки ардыларынааҕы куоҥкурустарга мэлдьи бириистээх миэстэлэргэ тиксэбит. Барабаан тыаһа доҕуһуоллаах кыргыттар «Мажоретки» диэн эрчимнээх үҥкүүлэрэ оскуола бары тэрээһиннэрин киэргэтэр,  көрөөччү биһирэбилин ылар. Уолаттары барабаанныырга ырыа учуутала Светлана Аркадьевна Борисова үөрэтэр.

Бу курдук бука бары кыттар сомоҕо ньүөмэрдэрбит табылыннахтарына олус үөрэбит, ытыс хабыллар тыаһыттан астынабыт. Инникитин үҥкүү үктэллэнэн үрдүккэ көтүөхпүт, кыайыы кынаттаныахпыт диэн эрэнэбит!

 

Просмотров: 15 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]