Главная » 2019 » Июль » 27 » "ДРУЖБА" ЛААҔЫР ОҔОЛОРО ЭМТЭЭХ ОТТОРУ ХОМУЙДУЛАР
20:17
"ДРУЖБА" ЛААҔЫР ОҔОЛОРО ЭМТЭЭХ ОТТОРУ ХОМУЙДУЛАР

От ыйын 6 күнүттэн 15 күнүгэр диэри В.П.Ларионов аатынан Майа орто оскуолатын 4 кылааһын оҕолоро Ороссолуодаҕа «Дружба» лааҕырга дуоһуйа сынньаннылар. Айылҕа биэрбит эмтээх үүнээйилэрин хомуйан, элбэххэ үөрэнэн кэллилэр. Ороссолуодаҕа «Дружба» лааҕыр салайааччытынан история учуутала Михаил Самсонов, иитээччи, социальнай педагог Розалия Сыромятникова, баһаатайынан Дьокуускайдааҕы педагогическай колледж устудьуона Лена Шестакова, повар Саргылана Дмитриева үлэлээтилэр.

Оҕолор тиийээт, «Дьулуур: Мас-рестлинг» диэн Валентин Макаров режиссердаах уус-уран киинэҕэ сахалыы танастаах уһуллубуттара.

Ороссолуода нэһилиэгин волонтердарын кытта түмсэн оҕолор айылҕаҕа тахсан субуотунньуктаатылар.

Күнтэн күн ахсын сэргэх оонньуулар, көхтөөх күрэхтэһиилэр, оҕону сайыннарар араас тэрээһиннэр ыытылыннылар. Элбэх саҥа талааннар арылыннылар, үгүһү биллилэр-көрдүлэр.

Оскуола агро хайысхалаах буоларынан, оҕолор салайааччыларын кытары эмтээх оттору хото хомуйдулар. Үөрэ отун, дьиэ ыраастыырга аналлаах боҕуруоскай отун ону таһынан туоһу хомуйан үөрэх дьыла саҕаланнаҕына туһаҕа таһаарыахтара.

Уолаттар сиппииргэ анаан талах быспыттара. Бу курдук оҕолор үлэни уонна сынньалаҥы бииргэ дьүөрэлээн, сайыннарын туһалаахтык атаараллар.

   

Просмотров: 26 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]