Главная » 2017 » Январь » 29 » "Гитара дьүрүскэн дорҕооно" тыыннаах музыка киэһэтэ
14:12
"Гитара дьүрүскэн дорҕооно" тыыннаах музыка киэһэтэ

Гитара алыптаах дорҕоонугар уйдаран

Гитара алыптаах дорҕоонноох, ураты иэйиилээх тыаһын мээнэҕэ «тыыннаах дууһалаах» музыка диэбэтэхтэрэ буолуо. Төһөөлөөх элбэх чаҕылхай, талааннаах ырыаһыттар гитараны арахсыспат аргыс оҥостон айымньылаах аартыктара киэҥ ыырданан бар дьон тапталын, сүгүрүйүүтүн ыллахтара. Бу ураты долгураҥ тыастаах музыка инструмена быһыылыын-таһаалыын кэрэни кэрэһэлээн, дьиҥ иэйии долгураҥын доҕуһуоллаан сааһыттан, омугуттан тутулуга суох үгүс дьону биир түһүлгэҕэ түмэр.

В.П. Ларионов аатынан Майа орто оскуолатыгар айымньылаахтык үлэлиир музыка учууталлара Светлана Борисова уонна Раиса Скрябина бары сүһүөх үөрэнээччилэри тыыннаах музыка үрдүкү эйгэтигэр сыһыаран, тиһииктээхтик үөрэтэллэр. Кылааһыттан, сааһыттан тутулуга суох баҕалаах оҕолор куруһуок уонна эбии дьарык быһыытынан гитарараҕа, флейтаҕа, фортепианоҕа күннэтэ уһуйуллаллар. Педагогтар оҕолор музыкальнай инструмеҥҥа дууһаларын ууран туран, олус интэриэһиргээн көхтөөхтүк дьарыктаналларын бэлиэтииллэр. Онуоха, учууталлар  үөрэнээччилэр дьарыктарга ылбыт билиилэрин чиҥэтэн, араас хабааннаах көрсүһүүлэри ыыталлар, Республика таһымнаах бырайактарга кытталлар.  Ол курдук, гитараҕа дьарыктанар үөрэнээччилэргэ олус кэтэһиилээх уонна бэлиэ түгэн үүннэ.  Тохсунньу 20 күнүгэр оскуолаҕа «Гитара алыптаах дорҕооно» тыыннаах музыка киэһэтэ ыытылынна. Айымньылаах тэрээһини «Музыка барыбытыгар» республикатааҕы бырайыак чэрчитинэн Светлана Борисова, Раиса Скрябина иилээн-саҕалаан ыыттылар. Ураты тэрээһиҥҥэ гитара дьүрүскэн тыаһыгар куттарын туттарбыт истээччилэр, итиэннэ гитараҕа оонньуур үөрэнээччилэр, учууталлар бука бары муһуннулар. Ыҥырыылаах ыалдьыттарынан «Дьүрүлгэн» улуустааҕы  мелодистар түмсүүлэрин чилиэннэрэ, ини-бии бырааттыылар Степан, Федор Сергучевтар буоллулар. Даҕатан эттэххэ, Хорообуттан төрүттээх Сергучевтар иккиэн удьуор мелодистар буолаллар. Аҕалара Степан Ильич Сергучев олоҕун музыка эйгэтигэр анаабыт, «Ийэбэр», «Сэрэйдэ сүрэҕим»  курдук норуот уоһуттан түспэт биллэр ырыалардаах талааннаах  мелодист. Онуоха, Степан 34 ырыалаах, аранжировщик. 2016 сыллаахха «Үрдэл» саха национальнай бириэмийэтин «Бастыҥ ырыа» номинация хаһаайына. Оттон Федор – 23 ырыа автора, мелодист, баянист, Хорообут орто оскуолатыгар музыка учууталынан үлэлиир.

Ыйдаҥа сырдыгын санатар, күлүмүнүү оонньуур борук-сорук саалаҕа, гитара аргыстаах ини-бии Сергучевтар норуот кэрэхсэбилин ылбыт «», «» биллибит ырыаларын ыллаан мустубут дьону долгуттулар. Үөрэнээччилэр ырыаһыттары төгүрүччү олорон уопуттаах музыканнар маастар-кылаастарыгар, гитараҕа оонньооһун ымпыгар-чымпыгар үөрэнэБу курдук,  оҕолор ыалдьыттары  кытта тэҥҥэ ыллаһан, гитаралаан элбэҕи биллилэр-көрдүлэр. Ураты тэрээһиҥҥэ кыттан биллэ сэргэхсийбит үөрэнээччилэр, учууталлар Степан, Федор Сергучевтаргы түбүктээх үлэлэриттэн быыс булан, үөрэнээччилэргэ үрдүк сатабылларын үллэстибиттэригэр, кэрэ киэһэни бэлэхтээбиттэригэр махтал маанытын эттилэр, баҕа санаа бастыҥын анаатылар.  

Бу курдук, оҕолору кыра саастарыттан саҕалаан музыка эйгэтигэр уһуйар үтүөнү үксэтэр, кэрэни кэрэхсиир саха мааны ыччатын иитиэн таһаарыыга олук уурар үөрэх буоллаҕа.   

                                                

Просмотров: 196 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]