Главная » 2016 » Сентябрь » 22 » «Күһүҥҥү фейерверк» улуустааҕы агро-оскуолаларбыыстапка-дьаарбаҥкалара
17:22
«Күһүҥҥү фейерверк» улуустааҕы агро-оскуолаларбыыстапка-дьаарбаҥкалара

«Күһүҥҥү фейерверк» улуустааҕы агро-оскуолаларбыыстапка-дьаарбаҥкалара

      Балаҕан ыйын 21 күнүгэр улуус агро-оскуолаларынсайыҥҥы үлэлэрин түмүктүүр быыстапка-дьаарбаҥка ыытылынна. Тэрээһин чэрчитинэн «Бастыҥ бизнес» атыы-эргиэн дохуотугар , «Оскуолабыт кэрэ көстүүлээх тиэргэнэ» хаартыска коллаһа, «Күһүҥҥү тэтим» ырыа-үҥкүү күрэхтэрэ ыытылыннылар.

     В.П. Ларионов аатынан Майа орто оскуолатын коллектива күрэх бары көрүҥнэригэр көхтөөхтүк уонна ситиһиилээхтик кытынна.  «Бастыҥ бизнес» ас-үөл атыытын дьаарбаҥкатыгар кылаастарынан«Союз мультфильм» 80 cылынан «Пятачок», «Винни-Пух», «Ослик», «Сова» лааппыларынан арааран кэнсиэрбэлэммит оҕуруот аһын, шашлыгы, хот-догу, гамбургеры, саахар баататын, оскуола хортуоппуйун, минньигэс аһы, үүттэн оҥоһуллубут утаҕы уо.д.а хото атыылаатылар.  Оскуола бизнес-бырайыагын чэрчитинэн 8 «а» кылаас үөрэнээччилэрэ  Рожина Милана уонна Тоня «боди-арт» түһүлгэтин тэрийэн дьону-сэргэни кэрэхсэттилэр. Нэһилиэк олохтоохторо ас бары көрүҥүн хамаҕатык атыыластылар. Онон дьаарбаҥка түмүгүнэн уопсайа 110 тыһыынча солк. киирдэ.

      «Күһүҥҥү тэтим» ырыа-үҥкүү күрэҕэр 10 «а», 10 «б», 6 «а» кылаас үөрэнээччилэрэ «Осенний урожай» аныгы тэтимнээх үҥкүүнэн (сал. Артемьева Л.И, Борисов Н.Л), оскуола«Тускул» ырыаансаамбыла (сал. Борисова С.А, Скрябина Р.А) «Көмүс күһүн» ырыанан кытыннылар.

     Дьаарбаҥка түмүгүнэн оскуолабыт «Лучший бизнес» күрэххэ III миэстэ, «Оскуолабыт кэрэ көстүүлээх тиэргэнэ» - II,  «Күһүҥҥү тэтим» ырыа, үҥкүү күрэҕэр – II миэстэ буолла.  Уопсай түмүгүнэн III м – Рассолода орто оскуолата, II м – Балыктаах, кыайыылааҕынан В.П. Ларионов аатынан Майа орто оскуолата буолла.

   

Просмотров: 168 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]