Главная » 2019 » Апрель » 10 » Көлүөнэлэр  көрсүһүүлэрэ
13:44
Көлүөнэлэр  көрсүһүүлэрэ

Муус  устар 6 күнүгэр В. П. Ларионов аатынан Майа орто оскуолатыгар сылын ахсын ыытыллар көлүөнэлэр  көрсүһүүлэрэ буолан ааста. Бу сылга  1969 – 50сыл, 1974 – 45 сыл, 1979 – 40 сыл, 1984 – 35 сыл, 1989 – 30 сыл,  1994 – 25 сыл, 1999 – 20 сыл, 2004 – 15 сыл, барыта -  209 выпускниктар көлүөнэннэн көрсө, оҕо саастарын санаан дуоһуйа сынньанан бардылар.

Үөрүүлээх чааска кэлбит выпускниктартан 3 ревизионнай хамыһыйа чилиэннэринэн Лыткина Светлана Николаевна 1979 сыл выпускницата, Татаринова Елена Петровна 1989 сыл  выпускницата, Федорова Марианна Владимировна 1979 сыл выпускницата талыллан үлэлээтилэр.

Бы сылга бырааһынньык саха сиригэр пионерия  төрүттэммитэ 95 сылыгар анаммыта. Киирээти кытта выпускниктары регистрацияҕа көрсөн, бырааһынньык кыттыылааҕа буолар бэлиэ уонна значок бэлэхтээтилэр, онтон “Ларионовцы” клуб активистара пионер формалаах көрсөн кабинеттарга атаартаталаабыттара.

Тэрээһин саҕаланыытын выпускниктар парадтарынан уонна знамя киллэриитинэн  саҕаламмыта.Онтон урукку кэмнэри саныы, оскуола кэмнэригэр дружина баһаатайынан  үлэлээбит Маргарита Константиновнаҕа кэлбит выпускниктар рапорт туттардылар. Бу тэрээһиҥҥэ  көхтөөх кыттыыны - 3 б, 4г, ү в, 5 а,б, в кылаастар – урукку саас кэмнэр ырыатын бэлэхтээтилэр, “Тускул” үҥкүү ансамбыла (2 в, эр дьон), 10 а кылаас ырыа ансамбыла, Айтал Соломонов, “Тускул” кыргыттар ансамбыла, «Алаас симэхтэрэ” муода студията, көхтөөх кыттыыны ылан, бырааһынньыгы киэргэтэн, выпускниктары эҕэрдэлээтилэр. Хас биирдии выпуск бэйэтэ эмиэ э5эрдэ нүөмэрдээх кэлэн оскуола коллективын, учууталларын эҕэрдэлээтилэр. Кэлбит ыалдьыттар оскуола оҕолорун, учууталларын хайҕаан астынан, бырааһынньык олус үрдүк таһымҥа ааспытын бэлиэтээтилэр.

Онтон минуска бэлиэтиир буоллахха, программаннан 14:00ч. 7 станцияннан оонньуу буолуохтааҕын сатаан буолбата, кэлбит ыалдьыттар улаханнык оонньууга наадыйбаттар эбит, онон эһиилги сылтан станцияннан оонньууну суох оҥоруохх наада эбит.

Просмотров: 15 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]