Главная » 2016 » Октябрь » 5 » Күндү учууталларбытын таптыы, махтана
09:20
Күндү учууталларбытын таптыы, махтана

Күндү учууталларбытын таптыы, махтана

Алтынньы 5 күнүгэр бүтүн Дойду үрдүнэн учуутал күнэ бэлиэтэннэ. Учуутал хас биирдии киһини суруйарга-ааҕарга үөрэппит, сырдыкка-кэрэҕэ угуйбут сүдү суолталаах киһи буолар. Иккис ийэлэрбит, амарах аҕаларбыт кэриэтэ чугастык саныыр, дириҥник ытыктыыр учууталларбыт идэлээх бырааһынньыктарын В.П. Ларионов аатынан Майа орто оскуолатын үөрэнээччилэрэ ураты суолталаахтык, тэрээһиннээхтик бэлиэтээтибит. Бэлиэ күҥҥэ «Клуб Ларионовцы» оҕо тэрилтэтин активистара учууталларбытын оскуола аанын айаҕыттан скрипка алыптаах тыаһынан эҕэрдэлии, минньигэс кэмпиэтинэн, сакалаатынан күндүлүү көрүстүбүт. Күн устата радиоузел нөҥүө эҕэрдэ тыл эгэлгэтэ, махтал тыл мааныта, хоһоон хомоҕойо этилиннэ. Переменаларга ырыалаах үҥкүүлээх кылгас кэнсиэрдэри туруордубут. Үгүс көлүөнэ ыччаты үөрэппит-такайбыт бэтэрээн учууталларбытын чиэстиир кэнсиэр тэрийэн ырыаны үҥкүүнү көҕүлүттэн туттубут. Ирина Никанорова салайааччылаах 5 «а» кылаас үөрэнээччилэрэ «Учууталгар открытката бэлэхтээ» диэн акция тэрийэн үөрэтэр учууталларыгар бука барыларыгар дьэрэкээн открытка оҥорон бэлэхтээтилэр.  Бу курдук, учууталларбытын туйгун үөрэхпитинэн, көрсүө бэрээдэкпитинэн бырааһынньыкка эрэ буолбакка, хас күн аайы үөрдэ туруоҕуҥ!

«5 а» кылаас кэллэктиибэ, «Мэҥэбил» юнкорпост.

Просмотров: 166 | Добавил: mayaschool | Теги: махтана, Күндү учууталларбытын таптыы | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]