Главная » 2016 » Октябрь » 24 » Көрдөөх күрэх КВН
11:23
Көрдөөх күрэх КВН

Көрдөөх күрэх КВН

Оскуолабытыгар сылын аайы «КВН» күрэҕэ ыытыллар. Онно кылаастарынан хамаанда оҥорон үөрэнээччилэр бука бары кэриэтэ кыттабыт. Ол иһин күрэҕи оҕолор бука бары олус сөбүлүүбүт уонна хаһан буоларын долгуйа кэтэһэбит. Быйылгы «КВН» 3 түһүмэхтээх буолла – «Бэйэни билиһиннэрии», «Ырыа аргыстаах дьиэтээҕи сорудах» (тиэмэтэ – «Барыта кыраттан саҕаланар») уонна көрүдьүөһү кэпсиир түһүмэх «Триатлон» . Дьүүллүүр сүбэнэн  «КВН» уопуттаах оонньооччута, оскуолабыт учуутала Алеся Сосина, кэрэ куоластаах ырыаһыт, оскуолабыт «Кустукчаан» оҕо тэрилтэтин салайааччыта Евдокия Прохорова буоллулар. Күрэҕи оскуолабыт «КВН» куруһуогун салайааччыта Федотова Айсена Алексеевна иилээн-саҕалаан ыытта.

Күрэх түмүгүнэн, кыайыылааҕынан 5-6 кылаастарга 5 «в» кылаас «Нвк Саха» хамаандата буолла, II миэстэ – 6 «а» кылаас «Black star» хамаандата, III миэстэҕэ – 5 «б» кылаас «Мохсоҕоллор», 7-8 кылаастарга кыайыылааҕынан 7 «б»  кылаас «Эб-б-б-б» хамаандата, II миэстэ – 8 «а» кылаас «Муммуттар», III миэстэҕэ – 8 «в» «Сиэттэр этэрээттэрэ».

Маны сэргэ оонньууга артыыстыыр талаанынан дьону биһирэппит, күллэрбит оҕолорго дьүүллүүр сүбэ анал аат иҥэрдэ «Күн күлүүк» - Милана Рожина (8 «а»), «Көрдөөх Көкөт» Женя Абрамов (7 «б»), Саша Семенов (5 «в»).

Андреев Родион, Колосов Петя, Цыпандин Ариян, 7 «б» кылаас үөрэнээччилэрэ:

- Оскуолабыт «КВН» күрэҕэ олус көхтөөхтүк ааста. Кылаастар бука бары кыһаллан бэлэмнэммиттэр. КВН киһини булугас өйдөөх, туохтан да толлубат буоларга, сыанаҕа туттарга-хаптарга үөрэтэр. Бастаан сыанаҕа тахсарбытыгар олус долгуйбуппут. Оннон оогнньоон истэх аайы киһи аһыллар, кыбыстыбат буолар эбиккин. Уопсайынан бу көрдөөх күрэх оҕону элбэх дьон иннигэр саҥарарга туохтааҕар да үчүгэйдик үөрэтэр эбит дии санаатыбыт. 

 

 

Просмотров: 141 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]