Главная » 2016 » Февраль » 12 » Кэрэхсэнэр баал
09:53
Кэрэхсэнэр баал

Кэрэхсэнэр баал

            Үгэс быһыытынан ыытыллар Ларионовскай баал сылтан-сыл тэрээһинэ тупсан иһэр. Ол курдук сэттис кылаастан саҕалаан, оскуола үөрэнээччилэрэ бары кылааһынан тахсан «Танец дебютантов», «Падеспань», «Падеграс» уонна атыттар вальс арааһын толороллор.

            Баал үөрүүлээх чааһыгар күндү ыалдьыттарынан оскуола попечителлэрэ буолаллар. Эҕэрдэ тылы оскуола выпускнига, архитектор Григорьев А.Е. этэригэр биһиги тэрээһиммитин биһириирин, кинилэр үөрэнэллэрин саҕана маннык хатыламмат чаҕылхай тэрээһин суоҕун бэлиэтээтэ. Салгыы оскуола саамай бастыҥ,  олимпиадаларга ситиһиилээх оҕолоро наҕараадаланнылар.

            Баал саамай чаҕылхай, умнуллубат түгэнинэн 2а (кыл.сал. Расторгуева М.Э.) кылаас аҕалара кырачаан кыргыттарын кытары үҥкүүлэрэ, улахан кылаас уолаттара ийэлэрин кытары, учууталлар, попечителлэр вальстара  буоллулар, көрөөччүлэр биһирэбиллэрин ыллылар. Ол кэнниттэн саамай күүтүүлээх мүнүүтэлэр кэннилэриттэн «Дебютантка бала» - Айыына Лыткина 7в, «Галантный кавалер» - Алик Харитонов 10а, «Королева» - Аля Егорова 10а, «Король» - Рома Афанасьев 10б талылыннылар.

            Бу курдук оскуолабытыгар баал – саамай кэрэ түгэн буоларын өйдөөн, үөрэнээччилэр эрдэттэн долгуйа бэлэмнэнэллэр. Тумус туттар Академикпыт В.П.Ларионов эппитинии: «Киһи олоҕун тухары өрүүтүн сырдыкка-кэрэҕэ дьулуһуохтаах!»

Академик В.П.Ларионов аатынан Майа орто

оскуолатын 8в кылааһын үөрэнээчитэ,

«Мэҥэбил» эдкорпост чилиэнэ

Лера Максимова

 

 

Просмотров: 292 | Добавил: mayaschool | Теги: Кэрэхсэнэр баал | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]