Главная » 2016 » Октябрь » 16 » Кэскиллээх тэрээһин
10:05
Кэскиллээх тэрээһин

Кэскиллээх тэрээһин

Алтынньы 15 күнүгэр Төхтүр бөһүөлэгэр  «Улуу Ил» диэн Саха Боотурдарыгар сүгүрүйүү улуустааҕы тэрээһинин чэрчитинэн Ворогушин Дорҕоон Дохсун салайааччылаах «Боотур омооно» уолаттарга аналлаах күрэхтэһии ыытылынна. Тэрээһини «Арчы дьиэтэ» духуобунай култуура киинэ, чөл олоҕу тарҕатар «Төлкө» эр дьон общественнай түмсүүтэ, В.П. Ларионов аатынан Майа орто оскуолата, И.И. Романов аатынан Төхтүр орто оскуолатан иилээн-саҕалаан ыыттылар. Ыҥырыылаах ыалдьытынан Ил Түмэн депутата Иван Шамаев буолла. Улууспут 9 оскуолаларыттан 5 – 7 кылаастартан 7 оҕолоох уопсайа 12 хамаанда кытынна.

Далааһыннаах тэрээһин Айыы Боотурдарын аатыгар сүгүрүйүү сиэриттэн-туомуттан саҕаланна. Хамаандалар күн устата 6 түһүмэхтэн турар саха төрүт оонньууларын көрүҥэр күөн көрүстүлэр: ойбонтон уулааһын, хапсаҕай, көтөх ынаҕы туруоруу, «Боотур омооно» эстафета (сүүрүү, наарта ойуута, маамыктаны быраҕыы, «кыһыл чоҕунан» бырахсыы, оҕунан ытыы). Күрэх түмүгүнэн, кыайыылааҕынан В. П. Ларионов аатынан Майа орто оскуолатын үөрэнээччилэрин хамаандата таҕыста, II миэстэ – Бүтэйдээх орто оскуолата, III миэстэ – Балыктаах орто оскуолата.

Просмотров: 180 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]