Главная » 2016 » Февраль » 14 » Ларионовскай декада түмүктэннэ
09:50
Ларионовскай декада түмүктэннэ

Ларионовскай декада түмүктэннэ

            Оскуолабытыгар сахаттан чулуу киһибит – Академик В.П.Ларионов аатын үйэтитэр уонна үөрэнээччилэри түмэр, иитэр-өүрэтэр сыаллаах декадабыт ыытылынна. Ол курдук улуус таһымыгар 1-4 кылаас үөрэнээччилэригэр «Эдэр Ларионовец» юниордар ааҕыылара, научнай-техническэй айыы быыстапката, робототехникаҕа күрэх буоллулар. Онтон оскуола иһинэн кылаастар икки ардыларыгар көрдөөх эстафетаттан саҕалаан, техническэй моделированиеҕа күрэх уонна социальнай бырайыактары көмүскээһин. Сыл аайы тэрээһин суолтата үрдээн иһэрэ уонна кыттааччы элбээн иһэрэ тэрийээччилэри үөрдэр.

            Саамай улахан тэрээһиннэр олунньу 18 күнүгэр буоллулар. Ол курдук улуустааҕы ЭПЛ күрэххэ 15 хамаанда, «Чинчийэбит, бырайыактыыбыт» диэн регионнааҕы НПК-ҕа уопсайа 273 үөрэнээччи кэлэн кытынна. Конференция 10 секциятыгар уопсайа отут эксперт үлэлээтэ. Экспердэр ааттарыттан эҕэрдэ тылы техническэй наука кандидата, В.П.Ларионов аатынан физика-техническай институт сүрүн научнай үлэһитэ А.Р.Иванов эттэ, оҕолорго ситиһиилэри баҕарда.

            Сылын ахсын үөрэнээччи үөрүйэҕин, сатабылын сайыннарар декада үөрэнээччилэргэ ситиһиини бэлэхтээтэ уонна дьикти-кэрэ баалынан түмүктэннэ.

Академик В.П.Ларионов аатынан Майа орто

оскуолатын 8в кылааһын үөрэнээчитэ,

«Мэҥэбил» эдкорпост чилиэнэ

Маша Алексеева

Просмотров: 294 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]