Главная » 2014 » Сентябрь » 22 » Үлэ киһини киэргэтэр.
18:17
Үлэ киһини киэргэтэр.
 

    

         Балаҕан ыйын 3-4 күннэригэр Мэҥэ-Хаҥалас улууһун Дьанхааты нэһилиэгин Төхтүр бөһүөлэгэр 8 “б” кылаас үөрэнээччилэрэ – уопсайа 20 оҕо - үлэ практикатыгар баран хортуоппуй хостоон кэллилэр. Салайааччылар - Е.Е Семенов уонна Д.Д. Ворогушин. «Алаас ыала» диэн Мария Михайловна Шарина диэн урбаанньыт турбазатыгар тохтоон, хонон, аһаан олордулар. Сарсыарда Сарыал хамсаныыта диэн сахалыы гимнастикаттан үлэ күнэ саҕаланна. Турбаза асчыттара минньигэс аһынан күндүлээтилэр. Биһиги дьолбутугар, халлаан туран биэрэн, үлэ тута саҕаланна. Александр Юрьевич, Мария Николаевна Павловтар диэн урбаанньыт дьиэ кэргэн 1,5 га сириттэн 200 куул хортуоппуй хостоотулар. Төхтүр бөһүөлэгин кэрэ айылҕатыгар үлэ кэннэ дуоһуйа сынньанан, костер иннигэр ыллаан-туойан, кэпсэтэн, сэлэһэн, оонньоон-көрүлээн икки күн биллибэттик ааста. Сууллар мыраан, Суола үрэх, күһүҥҥү айылҕа көстүүтэ оҕолор өйдөрүгэр –санааларыгар умнуллубаттык хаалла. Үлэ кэмигэр оҕолор дьаныардаахтарын, үлэҕэ көхтөрүн көрдөрдүлэр. Бу үөрэх дьылын саҕаланыытыгар кыра кыайыы, үтүөҕэ, кэрэҕэ, дьулуурга, ситиһиигэ тардыһыы буоларын бэлиэтэ.

Просмотров: 434 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]