Главная » 2019 » Сентябрь » 15 » Үлэни өрө тутар оскуола
21:55
Үлэни өрө тутар оскуола

В. П. Ларионов аатынан Майа агро хайысхалаах орто оскуолатыгар оҕону үлэнэн итии суолтата үрдүктүк тутуллар. Үөрэнээччилэр учууталларын кытта тэҥҥэ оҕуруот аһын арааһын үүннэрэр лааҕырдарга, оскуола учаастагын типилииссэтигэр сыллата көхтөөхтүк үлэлииллэр, мүөттээх ыҥырыаны көрөллөр-истэллэр. Маны сэргэ, эмтээх отунан дьарыктанар фитобарга кылааһынан кучу оту, дөлүһүөнү хомуйан туттараллар, куурдан-хатаран көмөлөһөллөр.
Үлэни күргүөмүнэн үмүрү тутар оскуола эрчимнээх кэллэктиибэ саҥа үөрэх сылын сомоҕо субуотунньуктартан саҕалаата. 10-  сАфанасий Бродников, Коммунар Черкашин салайааччылаах 9-с, 10-с, 11-с кылаас уолаттара Тураахтаах алааьыгар күрүө тутуутун  үлэтин көҕүлүттэн туттулар. Бу сиргэ уопсайа 6 км усталаах оттуур сир күрүөтэ тутуллара былааннанар. Анисия Варламова, Лина Гоголева, Валентина Кривошапкина салайааччылаах 8-с кылаас уэрэнээччилэрэ Майа алааһынаа5ы хайыһар базатын сиригэр хортуоппуй ороотулар.
Бу курдук, үөрэҕи-үлэни сэргэ тутар оскуола сэргэх олоҕо күннэтэ күөстүү оргуйар, үтүөҕэ-сырдыкка угуйар.

 

Просмотров: 42 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]