Главная » 2015 » Сентябрь » 1 » Маҥнайгы чуораан тыаһа
14:56
Маҥнайгы чуораан тыаһа

Маҥнайгы чуораан тыаһа        

        Үөрэх баар – бараммат баай. Билиҥҥи үйэҕэ үөрэҕэ суох киһи диэн суоҕа буолуо. Хас биирдии киһи оскуола боруогун уктээн, үөрэх-билии эйгэтигэр киирэр. Оскуола кэннэ бу киһиэхэ олох киэн аартыга аһыллар. Оскуолаттан саҕаланар киһи олоҕу үөрэтэн, чинчийэн көрүүтэ, кини инники олоҕун оҥоһуута.

   Ханнык баҕарар дойдуга үөрэх саҥа дьыла бастакы чуораан тыаөыттан саҕаланар. Биһиги оскуолабыт саҥа үөрэх дьылын көрсө, хас да сүүһүнэн оҕоҕо аанын аста, ол иһигэр 105 маҥнайгы кылаас үөрэнээччилэригэр. Оскуолабыт быйылгы 105 сыллаах үбүлүөйүгэр 105 оҕо бастакы кылааска киирбитэ үөрүүлээх түгэн. Быйыл оскуолабытыгар 32 кылаас комплега баар буолла, ол иһигэр 2 оскуоланы бүтэрээччилэр кылаастара. Саҥа үөрэх дьыла оскуола маҥнайгы лыҥкынас чуораанын тыаһын кытта билии аартыгар ыҥырда. Хас сыл аайы буоларын быһыытынан Майа стадионугар билии бырааһынньыга ааста. Бу бырааһынньык саҥа оскуолаҕа киирээччилэргэ, кинилэр төрөппүттэригэр ордук үөрүүлээх буолла. Хас биирдии бастакы кылаас үөрэнээччитигэр оройуон администрацията дьоҕус бэлэх туттаран үөртэ. Бырааһынньыкка кэлбит хас биирдии киһи бу күн ураты үөрүүнү биллилэр. Салгын шарын ыытыынан билии күнэ түмүктэннэ.

 

Просмотров: 482 | Добавил: mayaschool | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]