Главная » 2020 » Апрель » 11 » МАЙАҔА ДИСТАНЦИОННАЙ ҮӨРЭХ БАСТАКЫ ХАРДЫЫЛАРА
20:47
МАЙАҔА ДИСТАНЦИОННАЙ ҮӨРЭХ БАСТАКЫ ХАРДЫЫЛАРА

#Repost @mayasonun
• • • • • •
МАЙАҔА ДИСТАНЦИОННАЙ ҮӨРЭХ БАСТАКЫ ХАРДЫЫЛАРА

В.П. Ларионов аатынан Майа орто оскуолатын математикаҕа үөрэтэр үрдүкү категориялаах учуутала Прасковья Афанасьевна Харитонова бэһис, алтыс, ахсыс, онус уонна уон биирис кылаас үөрэнээччилэрин бүгүн дистанционнай үөрэх ньыматынан ситиһиилээхтик үөрэттэ. Хас биирдии кылааһы үөрэтэригэр  араас сайтары туһанар. Үлэ хайдах баран иһэрин биһиэхэ сиһилии кэпсээтэ.

‒ Кыра кылаастарга «ЯКласс», үрдүкү кылаастарга, эксээмэн туттарааччыларга «ГИА Решу», «ЕГЭ Решу» порталлар нөҥүө үлэлиибин.  Маннык үөрэх ньымата, биллэн турар, кылааска үөрэтэрдээҕэр ураты. Ол эрээри, саамай сүрүнэ ‒ интэриниэт ситимигэр туох даҕаны харгыстар суох буоллахтарына, табыллыыһык. Мин үөрэтэр кылааһым оҕолоро бука бары түргэн интэриниэт ситиминэн хааччыллан олороллор. Бэһис кылааска биир оҕобор билиҥҥитэ интэриниэтэ суох буолан, көннөрү кинигэнэн үөрэнэригэр сорудахтары биэрбитим. Ити боппуруос инникитин быһаарыллыахтаах. Уруокпут сарсыарда 9 чаастан саҕаланар, 30 мүнүүтэ үлэлиибит, 15 мүнүүтэ сынньалаҥ бэриллэр. Ол бириэмэҕэ эти-хааны эрчийэн, сэрээккэлиэххэ сөп. Математиканы, алгебраны атын-атын кылаастарга күнүс 13.30 чааска диэри биэрэбин. Сайтарбытыгар хас биирдии тиэмэ ымпыгар-чымпыгар диэри сырдатыллар. Ол кэнниттэн сорудахтар бэриллэллэр. Манна ким сорудаҕын толоро олороро көстөр. Оҕо үөрэтэ олорор o «харах» бэлиэтэ тахсыахтаах. Сорудахтарын толорон баран үлэлэрин түмүгүн ылабын. Скайпка үлэлииргэ видеонан сибээскэ тахсан, анал бырагырааманан суруйабыт. Инньэ гынан интэриниэт  харан хаалбатаҕына, харантыын кэмигэр үөрэниэххэ сөп диэн биир бэйэм сыаналаатым.

Билиҥҥитэ дистанционнай үөрэхтээһин төһө өргө диэри ыытыллара биллибэт. Ол гынан баран оҕо оскуолаҕа үөрэтиллиэхтээх предметтэри барытын сөптөөхтүк үөрэтэрэ, билиини иҥэринэрэ ирдэнэр буолан,  бу ньыманы толору туһаныахтаах.
Бэлэмнээтэ: Виктория Белолюбская.
#дистанционноеобучение #майа #МэҥэХаҥалас #СахаСирэ

Просмотров: 83 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]