Главная » 2011 » Январь » 18 » Тыл этиигэ күрэх балаһыанньата.
09:17
Тыл этиигэ күрэх балаһыанньата.

Майа  орто оскуолата  саха норуотун чулуу уола, сахалартан бастакы академик  В.П. Ларионовка  аналлаах улуус 9, 10, 11 кылаастарыгар үөрэнэр уолаттар ортолоругар тыл этиигэ күрэхтэрин тэрийэр балаһыанньата.

 

Буолар күнэ – дьыла: 8. 02.11.

Буолар миэстэтэ: Майа оскуолата

Са5аланыыта: 14. 00.

 

1.    Күрэхтэһии сыала – соруга:

1.Улуус үөрэнээччилэрин  академик В.П. Ларионов олоххо, үлэ5э, үөрэххэ, наукаҕа  тардыһыытын холобуругар угуйуу.

2.Үөрэнээччилэри саха, нуучча, омук тылын көмөлөрүнэн тылга интэриэһи  үөскэтэргэ олук ууруу.

3. Сатаан санааны этии, дьон иннигэр тутта –хапта үөрэнии культуратыгар уһуйуллуу.

 

2.    Күрэхтэһии усулуобуйата

Оскуолаттан миэстэлэспит 9,10,11 кылаас уолаттара кытталлар, кыттааччы ахсаана биир кылаастан элбээбитэ 3 буолуон син.

Тыл этии 3 бөлөхтөөх, түһүмэхтээх.

1 түһүмэх – ордук суолталаах сахалыы түһүмэх, үөрэнээччи барыта кыттар.

2 түһүмэх – нууччалыы.

3 түһүмэх – омуктуу.

Түмүк түһүмэх аайы тус – туспа тахсар. Кыттааччы ыйыллыбыт темалартан бэлэмнэнэн кэлэн биир теманы арыйар,  тыл этиитэ уон баалынан сыаналанар, алта иһигэр киирбиттэр иккис түһүмэххэ тута талбыт темаларыгар тыл  этэллэр. Бары кыттааччылар сертификат ылаллар.

 

3.    Темалар:

1. Академик В.П. Ларионов – саха чулуу уола;

2. Аныгы кэмҥэ үөрэх суолтата;

3. Төрөөбүт тылым, дойдум;

4. Сахам дьонун дьолун төрдө;

5. Уол оҕо уонна норуот дьылҕата;

6. Мэҥэ – киэн туттуум;

7. Тулуур уонна инникигэ эрэл;

8.  Техническэй идэлэр уонна Саха сирэ;

9. Олох хара өрүттэрэ;

10. В.П. Ларионов уонна поэзия.

Тыл этии В.П. Ларионов суруктарыгар, үлэлэригэр тирэҕириэн сөп.

 

4. Сүрүн ирдэбил

1. Теманы толору арыйыы, санааны сөпкө сааһылааһын, болҕомтону тардыы.

2.Тыл тутулун тупсаҕайа: саҕалааһын, чаастары аттарыы, ньымалары туттуу, түмүктээһин.

3. Литературнай нуорманы тутуһуу, ойуулуур – дьүһүннүүр ньымалары туһаныы.

4. Туттан – хаптан туруу, интонация, дикция, тэтим.

 

5. Кыайыылаахтары быһаарыы

Кыайыылаахтар тыл этиигэ, кэпсэтиигэ ылбыт баалларынан быһаарыллаллар.

Күрэхтэһиини тэрийээччилэр: үөрэх улуустааҕы салаата, В.П. Ларионов  аатынан  орто үөрэхтээһин оскуолата,  " Поликультурнай интеграция » кафедрата

Телефон: 41 – 549, 41-858

Просмотров: 782 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]