Главная » 2015 » Сентябрь » 23 » Оскуолаҕа оҕо түмсүүлэрин туһунан
10:52
Оскуолаҕа оҕо түмсүүлэрин туһунан

Оскуолаҕа оҕо түмсүүлэрин туһунан

Билиҥҥи кэмҥэ оҕо түмсүүлэрин сайдыытын боппуруостара өрөспүүбүлүкэҕэ киэҥник тураллар. Саха сирин оҕо түмсүүлэрэ үгүстүк көрсөн, араас тэрээһиннэри ыытан, түмүллэн инники күөҥҥэ тахсар. Оҕолор эрдэттэн салайар, элбэҕи, үтүөнү оҥорор дьоҕурдара сайдыытыгар бу түмсүүлэр үлэлэрэ улахан суолталаахтар.

Биһиги оскуолабытыгар урут-уруккуттан 3 оҕо түмсүүтэ үлэлээн кэллэ: улахан сүһүөххэ - «Түмэн», орто сүһүөххэ «СМиД», кыра кылаас оҕолоругар - «Кустукчаан». Бу үс түмсүү сүрүн сыалынан оҕолору личность быһыытынан лидер хаачыстыбаларын сайыннарыы, ону кэлэктиип оҕолор  сөпкө туттуу буолар. Бу үс холбоһуктан саамай тутаах «Түмэн» түмсүү буолар. Улахан кылаастарга талыллыбыт лидер оскуола лидера буолар. Оскуола лидердара биир сыл устата араас хайысхалаах үлэҕэ кыттан, оскуолабытын тупсаҕай, сайдыылаах оҥорорго тардыһаллар. Быйылгы үөрэх сылыгар оскуола лидердарын талыы балаҕан ыйын 25 күнүгэр буолан ааста. Бу быыбарга 3 түмсүүнэн 21 кандидат турда. Уопсайа 390 үөрэнээччи уонна 81 учуутал, оскуола үлэһиттэрэ куоластарын биэрдилэр. «Кустукчаан» оҕо түмсүүтүгэр 12 кандидат турбутуттан 5б кылаас үөрэнээччитэ Колосова Маша ордук элбэх куолаһы ылан кыайан таҕыста. «СМиД»-ка 5 кандидаттан ордук элбэх куоластаах 8б кылаас үөрэнээччитэ Егорова Наташа уонна «Түмэҥҥэ» 4 кандидаттан кыайыылааҕынан 10а кылаас үөрэнээччитэ Антонов Андрей кыайыылааҕынан таҕыстылар.  Кыайбыт лидер оҕолор үөрэхтэригэр, үлэлэригэр ситиһиини баҕарабыт.

В.П. Ларионов аатынан Майа орто оскуолатын пресс-киинэ

Просмотров: 448 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]