Главная » 2016 » Декабрь » 14 » Предпринимательствоҕа республикатааҕы олимпиада
01:36
Предпринимательствоҕа республикатааҕы олимпиада

Предпринимательство олимпиадатыгар кыайыы кынаттанан

Ахсынньы 9 күнүгэр Дьокуускай куоракка ыытыллыбыт VI Республикатааҕы  үөрэнээччилэргэ уонна эдэр ыччакка аналлаах предпринимательство олимпиадатыгар В.П. Ларионов аатынан Майа орто оскуолтаын үөрэнээччилэрэ үрдүк таһымнаахтык кытыннылар.

Олимпиаданы сылын аайы Саха республикатын Бизнес-оскуолата (ген. дириэктэр – Харенко Наталья Альбертовна) эдэр ыччаты, оскуола үөрэнээччилэрин урбаан үлэтигэр сыһыарар, көҕүлүүр уонна өйүүр сыаллаах ыытар. Быйылгы күрэх «Полярная звезда» гостиница кэмпириэнсийэлиир саалатыгар тэрилиннэ. Республика араас муннугуттан анал сүүмэрдээһини ааспыт 66 бизнес-бырайыак кытынна. Экспертнэй хамыһыйа састаабыгар ситиһиилээхтик үлэлии сылдьар тус урбаанньыттар, бизнес-холбоһуктар бэрэстэбиитэллэрэ, бизнес-наставничество Институтун бырайыагын кыттыылаахтара киирдилэр.

Быйылгы олимпиада кыттааччылара бизнес-бырайыактары көмүскээһиҥҥэ 5 хайысхалаах номинацияларынан күрэхтэстилэр: «Предпринимательство школьников» ( үөрэнээччилэр бизнес-бырайыактара), «Предпринимательство в сельской местности» (агро хайысхалаах оскуолалар үөрэнээччилэрин бастыҥ бизнес-бырайыактара), устудьуоннарга - «Эдэр ыччат бастыҥ бизнес-бырайыага», «Лучший StartUp» (урбаанньыт үөрэнээччилэр бастыҥ бизнес-бырайыактара). Маны сэргэ, быйылгы олимпиадаҕа «COOL IDEA» уопсай үөрэхтээһин тэрилтэтин бастыҥ бизнес-идеятыгар номинация ананна.

            Этиллибит номинацияларга В.П. Ларионов аатынан Майа орто оскуолатын үөрэнээччилэрэ ситиһиилээхтик кытыннылар. «Предпринимательство в сельской местности» номинацияҕа I миэстэ – В.П. Ларионов аатынан Майа орто оскуолтын 9б кылааһын үөрэнээччитэ Егорова Наташа,  «Бастыҥ Start Up» номинацияҕа I миэстэ – 8б кылаас үөрэнээччитэ Федорова Айсена , II миэстэ – 9 б кылаас үөрэнээччитэ Михайлов Петя, III миэстэ – 9 а кылаас үөрэнээччитэ Иванов Миша 9а. Маны сэргэ, уопсай көрүүгэ «COOL IDEA» номинация кыайыылааҕын үрдүк аатын В.П. Ларионов аатынан Майа орто оскуолата ылан кубогынан уонна телевизорынан наҕараадаланна.

Просмотров: 142 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]