Главная » 2016 » Ноябрь » 29 » Предпринимательствоҕа улуустааҕы олимпиада-күрэх
22:28
Предпринимательствоҕа улуустааҕы олимпиада-күрэх

Предпринимательствоҕа улуустааҕы олимпиада (күрэх)

Аныгы сайдыылаах олох тэтиминэн Дойдубут, Республикабыт, уопсастыбабыт олоҕун таһымын үрдэтиигэ биир сүрүн миэстэни урбаан (предпринимательство) ылар. Билиҥҥи олох ирдэбилинэн, күннэтэ араас эйгэҕэ үлэлиир урбаанньыт элбээн иһэр.Уопсастыба, салалта өттүттэн нэһилиэнньэ дьарыктаах буолуутун өйүүр анал программалар үлэлииллэр,  араас күрэхтэр ыытыллаллар. Онуоха, В.П. Ларионов аатынан Майа орто оскуолата кэнчээри ыччаты урбаан эйгэтигэр таһаарыылаах үлэһит буолар ыччаты иитигэ ситимнээх үлэни ыытар. Ол курдук, ситиһиилээх личноһы иитэн таһаарыыга оскуолаҕа бизнес-инкубатор үлэлиир. Сыл устата оҕолор предпримательство оҥкулун үөрэтэр чаастарга дьарыктаналлар. Урбаан сатабылын иҥэрэр  тэрээһиннэр, күрэхтэр ыытыллаллар.  Алтынньы 25 күнүгэр В.П. Ларионов аатынан Майа орто оскуолатыгар предпринимательствоҕа улуустааҕы олимпиада-күрэҕэ ыытылынна. Олимпиада -күрэх кыттыылаахтара үс сиэксийэнэн арахсан бизнес-бырайыактары көмүскээтилэр: «Үөрэнээччилэр предпринимательстволара» Мэҥэ-Хаҥалас улууһун үөрэнээччилэрин бастыҥ бизнес-бырайыактара, «Тыа сиригэр предпринимательство үлэтэ» агро хайысхалаах оскуолалар үөрэнээччилэрин бастыҥ бизнес-бырайыактара, «COOL IDEA» бастыҥ бизнес-идея, «Лучший Start Up» урбаанньыт үөрэнээччилэр бастыҥ бизнес-бырайыактара. Ыҥырыылаах ыалдьыттарынан предпринимательство сайдыытын боппуруостарын Улуустааҕы Салалтатын начальнига Егор Егорович Белолюбскай, Улуустааҕы үөрэх салалтатын начальнига Ирина Васильевна Черкашина буоллулар. Экспертэринэн урбаан эйгэтигэр үлэлии-хамсыы сылдьар тус предпринимателлэр – ООО «Вада» салайааччыта Максим Дмитриевич Забровскай, «Тумарык» бааһынай хаһаайыстыба баһылыга  Поликарп Петрович Васильев, улуустааҕы предпринимателлэр ассоциацияларын бэрэссэдээтэлэ Петр Петрович Ефремов, улуус урбаанньыттарын быраабын көмүскээһиҥҥэ боломуочуйалаах Арьян Русланович Мохначевскай уонна Республикаҕа, улууска предпринимательство сайдыытыгар үлэлэһэр салайааччылар, исписэлиистэр - СР Бизнес-инкубаторын генеральнай дириэктэрэ Александр Васильевич Андреев, улуустааҕы нэһилиэнньэ занятоһын киинин салайааччыта Прокопий Васильевич Марков, тыа хаһаайыстыбатын салалтатын исписэлииһэ Светлана Афанасьевна Александрова, предпринимательствоны өйөөһүн киинин дириэктэрэ Николай Русланович Барабанов, улуустааҕы социальнай харалта салайааччыта Иван Иванович Шестаков, республикатааҕы предпринимательствоны өйөөһүн киинин сэбиэдиссэйэ Зоя Константиновна Егорова, СР Бизнес-инкубаторын бырайыагынан үлэтин менеджэрэ Николай Артурович Михайлов үлэлээтилэр. Тэрээһини оскуола дириэктэрэ Светлана Кимовна Игнатьева уонна Дириэктэри научнай-методическай үлэҕэ солбуйааччы Варвара Гаврильевна Абрамова иилээн-саҕалаан ыыттылар.

Күрэх түмүгүнэн, сиэксийэ аайы кыайыылаахтар ааттаннылар, итиэннэ ситиһиилээх үлэлэр республикатааҕы түһүмэххэ киирдилэр: «Предпринимательство школьников» -  Лауреат – Наташа Егорова (9 «б» В.П. Ларионов аатынан Майа орто оскуолата), I Диплом – Семен Соловьев (10 кыл),  II ст Диплом – Айта Федотова  (10 кыл. В.П. Ларионов Майа орто оскуолата), III ст Диплом - Ощепков Ариан, Чахов Слава (Төҥүлү орто оскуолата 11 «а» кыл); «Предпринимательство в сельской местности» - Лауреат - Никита Пестеров (9 «б» кыл, В.П. Ларионов аатынан Майа орто оскуолата), I ст Диплом – Саша Александров (10 «а» кыл), II Диплом – Настя Никитина (8 «б»), III Диплом – Игорь Афанасьев, Саша Соловьева (11 кыл); «COOLIDEA» секция –  Лауреат – Игорь Неустроев (8 кыл),  I ст Диплом - Женя Бурнашев (10 кыл), II ст Диплом  - Юля Готовцева (10 «б» кыл ),  III ст Диплом - Валерия Поисеева (10 кыл).

Петр Ефремов, улуустааҕы предпринимателлэр ассоциацияларын бэрэссэдээтэлэ, «Ураһалаах» комплекс дириэктэрэ:

 - Бүгүн биһиги үөрэнээччилэр  предпринимательствоҕа бизнес-бырайыакка холонууларын көрдүбүт-иһиттибит. Оҕолор маннык бырайыактары суруйаллара аныгы олох тэтимигэр сөп түбэһэр, иитэр-үөрэтэр суолтата олус дириҥ ис хоһоонноох. Бу курдук,  дьон иннигэр дакылаат көмүскээн, саҥарарга-иҥэрэргэ үөрэнэллэр. Мин туризымынан дьарыктанабын. В.П. Ларионов аатынан Майа орто оскуолатын кытта шефтэһэбин. Ол курдук, үөрэнээччилэр «Ураһалаах» комплексыгар кэлэн прокатка да үлэлииллэр, банкетнай саалаҕа да көмөлөһөллөр. Биһи саҕана бизнес үөрэхтээһин оскуолаттан суох этэ. Ол иһин саҥа саҕалыырга ыарахаттары көрсүбүппүт. Оттон билиҥҥи оҕолор предпринимательство, бизнес туһунан уруоктарга үөрэнэн, бу курдук практически үлэлээн билиилэрэ-көрүүлэрэ хаҥыыр. 

Алена Дмитриева, 10 «а» кылаас үөрэнээччитэ:

- Бүгүн олус интэриэһинэй күрэх буолла. Кыттааччылар бука бары олус үчүгэйдик бэлэмнэн кэлбиттэр, интэриэһинэй дакылааттар бааллар. Мин бизнес-бырайыагым «Доступная фотостудия» диэн. Мин инникитин фотостудия арыйыахпын баҕарабын. Ол туһунан сырдаттым. Экспертэр ыйытыы биэрэллэрэ төттөрүтүн үчүгэй дии саныыбын. Тоҕо диэри, бырайыагы салгыы сайыннарарга саҥа көрүү, саҥа санаа үөскүөн сөп.

 

Просмотров: 139 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]