10:39
Өрөспүүбүлүкэ Судаарыстыбыннаһын күнэ

В. П. Ларионов аатынан Майа орто оскуолатын кэлэктиибэ Саха сирин сардаҥалаах сарсыҥҥытын түстүүр Өрөспүүбүлүкэ Судаарыстыбыннаһын күнүн дириҥ суолта биэрэн үрдүк таһымнаахтык бэлиэтээтээтилэр.


Тэрээһин үөрүүлээх чааһын ыҥырыылаах ыалдьыттарынан Мэҥэ Хаҥалас улууһун баһылыгын бастакы солбуйааччыта Семен Семенович Потапов, олоҕу-даһаҕы хааччыйыыга улуус баһылыгын солбуйааччы Георгий Сергеевич Куркутов, Майа сэлиэнньэтин баһылыга
Дмитрий Иванович Тихонов буоллулар. Ытык дьоммут Судаарыстыбаннас олохтонуутугар олук уурбут Саха чулуу дьонун -Алексей Кулаковскай - Өксөкулээх Өлөксөй, Василий Никифоров - Күлүмнүүр, Максим Аммосов, Платон Ойуунускай албан ааттарыгар сүгүрүйэн туран, үөрүүлээх күнүнэн эҕэрдэлээтилэр. Бэлиэ түгэҥҥэ республиката сайдарыгар турууласпыт биир дойдулаахтарбыт, судаарыстыбаннай, уопсастыбаннай бэлитиикэ тумус үлэһиттэрин Филипп Гаврильевич Охлопков, Иван Гаврильевич Тимофеев, Сахаттан бастакы академик Владимир Петрович Ларионов үрдүк ааттара, холобур буолар үлэлэрэ, олохторо сырдатылынна.
Үөрүүлээх түгэни оскуола эбии үөрэхтээһинин педагогтара Ульяна Ефремова, Валентина Кривошапкина, Светлана Борисова, Раиса Скрябина кырыымпа кэрэ тыаһынан киэргэттилэр.
Бу күн суолтатын кэнчээри ыччакка сырдатар кылаас чаастара, оскуола бэрэсидьиэнигэр туруоруммут хандьытааттары кытта сэһэргэһии тэрээһиннэрэ куйаар ситимин нөҥүө ыытылыннылар.

Инстаграмм көрүн

Просмотров: 45 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]