Главная » 2013 » Февраль » 9 » Регионнааҕы «Аман өс» уолаттар күрэхтэрэ
10:51
Регионнааҕы «Аман өс» уолаттар күрэхтэрэ
Сахаттан бастакы академик  В.П.Ларионов 75 сылыгар анаммыт  3 - с төгүлүн ыытыллар регионнааҕы "Аман өс ” уолаттар тыл  этиилэрин  күрэҕэ улуустааҕы оҕо библиотекатыгар, музейга олунньу 2 күнүгэр буолан ааста. 18 оскуолаттан, ол иһигэр Амма улууһун Сатаҕай, Чакыр, Болугур оскуолаларыттан, 106 уол кытынна.
Бастаан кыттааччылар төрөөбүт тылларынан, салгыы нууччалыы, английскайдыы, немецтии талбыт темаларынан саҥардылар, 2 – с  түһүмэххэ ааспыттар билиэтинэн тута саҥаран көрдүлэр. 5-6 кылааска кыайыылаахтарынан: лауреат – Карманов Андрей (Амма, Чакыр), дипломаннар – Эверстов Игорь ( Майа №2 ), Пестряков Ганя (Хара), Анисимов Саша (Хара), Шарин Саша (Майа лицейэ), Колесов Стас (Майа №1,  6 "б» кыл.), Захаров Игорь (Майа №2),  биһирэбил бириис –Долгунов Миша (Майа №1, 6 "б» кыл.), Андросов Леня (Мэлдьэхси), Михайлов Проня (Амма, Болугур) – буоллулар. 7 -8 кылааска  лауреат  үрдүк  аатын  Охлопков Петя (Майа №2) сүктэ, 1 степеннээх дипломунан Дмитриев Сеня ( Хара)  наҕараадаланна, 2 степеннээх диплому   Мохначевскай Петя (Майа №1, 8 "а» кыл.), Степанов-Жендринскэй Рома (Майа лицейэ) туттулар, 3 степеннээх дипломҥа  Говоров Дьулус(Балыктаах), Петров Афоня (Амма,Болугур), Никаноров Володя (Наахара) тигистилэр, биһирэбил бирииһи   Куприянов Миша (Майа лицейэ), Андросов Алеша (Төҥүлү), Никитин Андрей (Амма, Сатаҕай)  ыллылар.
Үөрэнээччилэр  санааларын аһаҕастык сайа эппиттэриттэн, төрөөбүт, омук тылларын дэгиттэр баһылаан эрэллэриттэн    кыттааччылар, учууталлар, ыалдьыттар астыннылар, тэрийээччилэргэ, дьүүллүүр сүбэҕэ  махталларын тиэртилэр.  Ити курдук, Майа оскуолатын администрацията, коллектива, улуустааҕы библиотека, музей үлэһиттэрэ, улуус саха тылын, литературатын, төрүт культуратын учууталлара Владимир Петрович үтүө аатын үйэтитиигэ былааннаахтык үлэлии-хамсыы сылдьаллара сүргэни көтөҕөр, үтүөҕэ угуйар, санааны сырдатар. 
                                                            Светлана Бугаева, В.П. Ларионов аатынан оскуола саха тылын уонна литературатын учуутала

 

Просмотров: 440 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]