Главная » 2016 » Сентябрь » 1 » Үөрэх сылын арыйа
12:40
Үөрэх сылын арыйа

Үөрэх сылын арыйа

         В.П. Ларионов аатынан Майа орто оскуолатын Билии Күнүгэр аналлаах үөрүүлээх линейката Манчаары стадиоҥҥа ыытылынна. Суумка сүгэһэрдээх, сибэкки дьөрбөтө тутуурдаах кырачаан кыргыттар, уолаттар, обургу буола улааппыт оҕолор, долгуйбут төрөппүттэр, учууталлар бука бары саҥа үөрэх сылын көрсө стадиону толору муһуннулар.

        Саҥа үөрэх сыла саҕаламмытынан үөрэнээччилэри үөрүүлээх күн ыҥырыылаах ыалдьыттара – Саха   Республикатын Правительствотын бэрэссэдээтэлин бастакы солбуйааччытын эбээһинэһин толорооччу – Саха Республикатын Ил Дарханын уонна Правительствотын дьаһалтатын салайааччыта Юрий Степанович Куприянов, Мэҥэ-Хаҥалас улууһун баһылыга Николай Прокопьевич Старостин, Мэҥэ-Хаҥалас улууһун үөрэҕириитин начальнигын солбуйааччыта Николай Петрович Тарасов, Майа сэлиэнньэтин олохтоох дьаһалтатын депутаттарын сэбиэтин бэрэссэдээтэлэ Антонина Петровна Федорова, В.П. Ларионов аатынан Майа ортооскуолатын директора Светлана Кимовна Игнатьева эҕэрдэлээтилэр.

        Үөрүүлээх тэрээһин үтүө үгэһинэн оксуола үөрэнээччилэрэ, учууталлара бука бары кылааһынан парааттаан саҥа үөрэх сылыгар үктэннилэр. Бу сылга маҥнайгы кылааска уопсайа 84 оҕо оскуола боруогун атыллаатылар. Кинилэри билии-көрүү аартыгар арыаллыыр бастакы учууталларынан  Наталья Николаевна Ефремова (1 «а» кылаассалайааччыта), Татьяна Артемовна Бурнашева (1 «б»),  Марта Кимовна Филиппова (1 «в»),  Наталья Николаевна Сергеева (1 «г») буоллулар.

   Тэрээһин биир чаҕылхай түгэнинэн ырыа-тойук аргыстаах, үҥкүү-битии арыаллаах «Путешественница дашауонна Башмачок» туһунано скуола эдэр учууталлара уонна үөрэнээччилэрэ туруорбут кылгас остуоруйалара буолла. Мустубут бар дьон Дашаны уонна Башмачогу кытта оскуола сайыҥҥы лааҕырдарынан күүлэйдээтилэр, оттон маҥнайгы кылаас оҕолоро оскуола олоҕун кытары билистилэр.

    Маҥнайгы чуорааны оскуола президенэ Андреев Арчын, Скрябина Лия, маҥнайгы кылааска үктэммит Пинигина Диана, Герасимов Ким тыаһатылар.

    Бу курдук  В. П. Ларионов аатынан Майа орто оскуолатын коллектива саҥа үөрэх сылын үөрэ-көтө, түмсүүлээхтик көрүстүлэр.

Изабелла Романова 

     

Просмотров: 199 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]