Главная » 2017 » Март » 20 » «Үөрэхтээһин национальнай тиһигин саҥардыы: сайдар тосхоло, инникитэ, уустуктара» квалификацияны үрдэтэр куурус
22:45
«Үөрэхтээһин национальнай тиһигин саҥардыы: сайдар тосхоло, инникитэ, уустуктара» квалификацияны үрдэтэр куурус

Олунньу 13, 14 күннэригэр В.П. Ларионов аатынан Майа орто оскуолатыгар «Үөрэхтээһин национальнай тиһигин саҥардыы: сайдар тосхоло, инникитэ, уустуктара» диэн учууталларга аналлаах квалификацияны үрдэтэр тэрээһин ыытылынна. Икки күн устата үөрэхтээһин үлэһиттэрэ «Доруобуйаларыгар хааччахтаах оҕолору кытта үлэҕэ федеральнай государственнай үөрэх стандартарын олоххо киллэрии» тиэмэтигэр фундаментальнай уонна проблемнай куурустарга үөрэннилэр. Тэрээһини М.К. Аммосов аатынан Хотугулуу-Илиҥҥи федеральнай университет, В.П. Ларионов аатынан Майа орто оскуолата иилээн-саҕалаан ыыттылар. Кууруска Мэҥэ-Хаҥалас, Чурапчы, Амма улуустарыттан оскуолаларын салайааччылара, учууталлара, педагогтара кыттыыны ыллылар. Учууталларга аналлаах киэҥ хабааннаах үөрэхтээһин ыҥырыылаах ыалдьыттарынан Казахстан Астана куоратыттан педагогическай наука доктора, И. Алтынсарин аатынан Үөрэхтээһин национальнай академиятын үс тыллаах үөрэхтээһинин киинин дириэктэрэ Сырымбекова Ляйля Саркытовна (Астана, Казахстан) уонна М.К. Аммосов аатынан Хотугулуу-Илиҥҥи федеральнай университет тиһиктээх үөрэхтээһин бизнес-оскуолатын дириэктэрэ Анна Алексеевна Никулина буоллулар. Кини Икки күн устата Казахстан республикатыгар кэнчээри ыччаты иитии-үөрэтии уратыларын, Казахстаҥҥа үс тыллаах үөрэхтээһин мадьыалын, «Үйэлээх норуот» национальнай идеятын, үөрэтии ис хоһоонун саҥардыыга үөрэнээччилэр үөрэххэ ситиһиилэрин сыаналааһын ирдэбиллэрин (Вассерман сыаналааһынан), педагогическай мониторинг туһунан олус дириҥ ис хоһоонноох лекция аахта.

Куурус бастакы күнүгэр В.П. Ларионов аатынан Майа орто оскуолатын учууталлара аныгы федеральнай государственнай үөрэх стандартарын ньымаларын көрдөрөр аһаҕас уруоктары ыыттылар. Уопсайа 18 уруок ыытылынна, 21 учуутал кытынна (физкультура, технология, биология, саха тыла,литературата, нуучча тыла, тулалыыр эйгэ, история, литературнай ааҕыы, английскай тыл, математика, информатика).

Ляйля Саркытыновна тэрээһин үөрүүлээх аһыллыытыгар куурус кыттыылаахтарын итиитик-истиҥник эҕэрдэлээн туран М.К. Аммосов аатынан Хотугулуу-Илиҥҥи федеральнай университеты кытта уопут атастаһыытыгар тиһиктээхтик үлэлииллэрин туһунунан бэлиэтээтэ. Саха сирэ, норуота ураты ыалдьытымсахтарын, эйэҕэс майгылаахтарын, норуот быһыытынан култуураларын, тылларынн күн бүгүнүгэр диэри тутан олоҕу кытта тэҥҥэ сайда тураргытын дириҥник ытыырын туһунан тус санаатын үлэһиннэ. Тэрээһин үөрүүлээх аһыллыытыгар В.П. Ларионов аатынан Майа орто оскуолатын үөрэнээччилэрэ саха төрүт музыкатын, ырыатын-тойугун, үҥкүүтүн көҕүлүттэн тутан ыраахтан ыҥырыллыбыт ыалдьыт, мустубут бар дьон кэрэхсэбилин ыллылар.

Просмотров: 64 | Добавил: mayaschool | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]