Главная » 2019 » Октябрь » 7 » Республика чиэһин көмүскүү
10:55
Республика чиэһин көмүскүү

В.П. Ларионов аатынан Майа орто оскуолатын үөрэнээччилэрэ алтынньы 4 күнүгэр Орленок лааҕырга Дойду таһымнаах күрэххэ кыттан кэллилэр.

В.П. Ларионов аатынан Майа орто оскуолатын үөрэнээччилэрин  хомуур хамаандата атырдьах ыйыгар Дьокуускай куоракка ыытыллыбыт Бүтүн Россиятааҕы бэрэсидьиэн спортивнай оонньууларыгар кыайыылаах үрдүк аатын сүгэн «Орленок» лааҕырга 20 путевканан наҕараадаламмыттара.  Салайааччылар физкультура учууталлара – Дмитрий Брызгалов уонна Игнат Прохоров. Оонньуу  4 этаптан турар – оскуола иһинээҕи, пуниципальнай, улуус уонна регион таһымнаах. Күрэх чэрчитинэн хамаандалар баскетбол, остуол тиэниһэ, шашка, чэпчэки атлетика көрүҥнэргэ күөн көрүстүлэр. Кыайыылаах хамаанда балаҕан ыйын 9 – 29 күннэригэр дойдубут бастыҥ лааҕырыгар  сылдьан, күрэхтэһэн, араас тэрээһиннэргэ кыттан, Хара муора кытылыгар сөтүөлээн астынан-дуоһуйан кэллилэр. Регионнааҕы этапка ыытыллыбыт көрүҥнэр таһынан спортсменнар баҕа өттүлэринэн  лаптаҕа, гандболга, городошнай спортка күүстэрин холоннулар.
Үөрэнээччилэр киэҥ сиргэ сылдьан сайдан, элбэҕи билэн-көрөн кэлиилэригэр күүс-көмө буолбут ытыктабыллаах салайааччыларбытыгар - СР үөрэх уонна наука миниистиригэр Владимир Анатольевич Егоровка, миниистир солбуйааччыта Владимир Иванович Тихоновка, , итии уонна эбии үөрэхтээһин отделын салайааччыта Ольга Анатольевна Яшинаҕа, Физическэй култуура уонна спорт сайдыытын Киинин дириэктэригэр Афанасий Имматулович Андреевка, старшай методист Юрий Васильевич Романовка, Мэнэ-Хаҥалас  улууһун үөрэҕин салалтатын начаалынньыга Ирина Васильевна Черкашинаҕа, итии уонна эбии үөрэхтээһин отделын сүрүн исписэлииһигэр Николай Николаевич Бугаевка оскуола салалтатын, төрөппүттэр, үөрэнээччилэр ааттарыттан махталбытын тиэрдэбит.

Просмотров: 15 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]