Главная » 2017 » Октябрь » 13 » Саҥа үөрэх сылын ситиһиилээх саҕалаатыбыт
08:19
Саҥа үөрэх сылын ситиһиилээх саҕалаатыбыт

.П. Ларионов аатынан Майа орто оскуолата сайыҥҥы оҕуруот, хаппыыста, хортуоппуй, үлэ-сынньалаҥ лааҕырдарын үлэтинэн улуустааҕы, республикатааҕы быыстапка-дьаарбаҥкаларга ситиһиилээхтик кытынна.

Ол курдук, оскуола түмсүүлээх кэллэктиибэ СР тыа хаһаайыстыбатын Министиэристибэтин 90 сылыгар аналлаах «Продовольствие - 2017» републикатааҕы быыстапка дьаарбаҥкаҕа 33 агро-оскуола кытыбытыттан кыайыылаах үрдүк аатын сүктэ. Күрэххэ агро-хайысханан үлэлиир оскуола мүөттээх ыҥырыаны иитии, мүөттэн бородууксуйа оҥоруу, эмтээх отунан дьарыктанар фитобар, оҕуруот аһын, хортуоппуйу, хаппыыстаны үүннэрии үлэтинэн кытынна.

Маны сэргэ, түбүктээх үлэ үтүө түмүгэ атырдьах ыйыгар ыытыллыбыт учууталлар республикатааҕы сүбэ мунньахтарыгар «Декоративное цветоводство» номинацияҕа – I м, улуустааҕы «Урожай-2017» агро-оскуолалар быыстапка-дьаарбаҥкаларыгар – I м буолан үрдүктүк сыаналанна. Онуоха, кылаастар бизнес-бырайыактарынан, учууталлар айымньылаах үлэлэринэн бука бары күрэххэ үрдүк таһымнаахтык кытыннылар. Ол курдук, Елена Шарина салайааччылаах 11 «а» кылаас үөрэнээччилэрэ сайыҥҥы кэмҥэ хомуйбут, куурдан-хатаран бэлэмнээбит боҕуруоскай отторо, Раиса Ефремова быыстапкалаабыт 60 араастаах барыанньатын коллекцията дьон-сэргэ, дьүүллүүр-сүбэ биһирэбилин ылла.

Бу үрдүк таһымнаах ситиһиилэр оскуола кэллэктиибэ, үөрэнээччилэр бүттүүн агро-үлэҕэ көхтөөх кыттыыларын, оскуолаларын туһугар сомоҕо үлэлэрин үтүө түмүгэ буолар.

Роза Петровна Васильева

 

Просмотров: 33 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]