Главная » 2016 » Ноябрь » 29 » Саха төрүт үгэһинэн
22:50
Саха төрүт үгэһинэн

Саха төрүт үгэһинэн

Саха норуота былыр-былыргыттан сэтинньи ыйы байанай ыйынан ааттыыра.  Байанай – ойуур, тыа, көтөр-сүүрэр таҥарата. Сахалар биир саамай ытыктыыр, сүгүрүйэр ыйбыт. Сэтинньи 25 күнүгэр В.П. Ларионов аатынан Майа орто оскуолатыгар «Байанай ыллыгынан» диэн 7-8 кылаас уолаттарыгар аналлаах күрэх ыытылынна. Күрэҕи төрүт култуура учуутала Ольга Старостина иилээтэ-саҕалаата.Тэрээһин оҕону төрүт үгэскэ иитэр, саха сиэрин-туомун үөрэтэр сыаллаах «Айыы киһитэ» бырайыак чэрчитинэн ыытылынна. Бу күн ыҥырыылаах ыалдьытынан «Айыы сыдьаайа» общественнай түмсүү чилиэнэ Анна Прокопьевна Маркова буолла. Кини оҕолорго алгыс суолтатын, байанай ыйын үгэстэрин туһунан кэпсээтэ уонна ыраастаныы, арчыланыы сиэрин-туомун ыытта.  Бэлиэ күн сүрүн чааһынан саха төрүт оонньууларынан, үгэстэринэн арахсар биэс хайысхалаах күрэхтэһии буолла. Онно биэстии уоллаах 7-8 кылааст оҕолоро кытыннылар. Ол курдук «Булт тэрилин таайыы» (сал. Черкашин К.В), «Сыал ытыы» (сал. Харлампьев Г.А), «Хабылык» (сал. Старостина О.П), «Кыыллар көтөрдөр суолларын таайыы» (сал. Куприян С.И.), «Кырынаастыыр ооньуу» (Скрябин М.Е).

Күрэх түмүгүнэн, кыайыылаахтарынан I миэстэ – 8 «а» (сал. Харлампьева П.А.), II миэстэ -  7 «в» (сал. Никифорова В.К.) , III миэстэ – 7 «б» (сал. Петухова А.А) буоллулар.

 

 

Просмотров: 158 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]