Главная » 2019 » Октябрь » 18 » "Старт Науке" норуоттар икки ардыларынааҕы чинчийэр үлэ күрэҕэр кыайыылаах үрдүк аатын ыллыбыт
11:36
"Старт Науке" норуоттар икки ардыларынааҕы чинчийэр үлэ күрэҕэр кыайыылаах үрдүк аатын ыллыбыт

Академик В.П. Ларионов аатынан Майа орто оскуолатын үөрэнээччилэрэ «Старт науке» VII Норуоттар икки ардыларынааҕы научнай-чинчийэр уонна уус-уран айар үлэлэр күрэхтэригэр кыттан кыайыылаах үрдүк аатын сүктүлэр.

Күрэх түмүктүүр түһүмэҕэ алтынньы 12 - 15 күннэригэр Сочи куоракка ыытылынна. Дойду араас муннугуттан уонна кыраныысса таһыттан уопсайа 300 кыттааччы муһунна. Кинилэр кэккэлэригэр В.П. Ларионов аатынан Майа орто оскуолатын эдэр чинчийээччилэрэ республика аатын чиэстээхтик көмүскээн «Бастыҥ дакылаат», «Россия наукатын эрэлэ» уонна «Кыайыылаах» дипломнарынан наҕараадаланнылар: 4 «б» кылаас үөрэнээччитэ Коля Гоголев («Уһук Хоту сир услуобуйатыгар сылгыны иитии уратылара», салайааччыта – Яковлева А.А.), 7 «а» кылаас үөрэнээччитэ Диана Борисова («Ферромагнитнай убаҕаһы оҥоруу», сал – Игнатьева А.В.), 8 «а» кылаас үөрэнээччитэ Сыромятников Дима («Майа сэлиэнньэтигэр иһэр уу хаачыстыбата», сал – Игнатьева А.В., Черкашина Н.Г), 10 «б» кылаас үөрэнээччитэ Люда Алексеева ( «Дөлүһүөн утаҕын эмтиир доруобуйаны бөҕөргөтөр дьайыыта», сал. Васильева Р.П., Игнатьева А.В.), 10 «а» кылаас үөрэнээччитэ Женя Абрамов («Саха быһаҕын оҥоруу уратыта», сал. Петухова А.А.). Үөрэнээччилэри дириэктэри научнай-методическай үлэҕэ солбуйааччы Людмила Чудинова салайан илдьэ сырытта.

Дьүүллүүр сүбэҕэ үлэлээбит Дойду таһымнаах наука профессордара - академик М.Ю. Ледванов, В.Р. Узенбаева үөрэнээччилэр үлэлэрин биһирээн, үрдүктүк сыаналаан салгыы «Инникигэ хардыы» научнай-чинчийэр кэмпириэнсийэ Дойду таһымнаах ааҕыытыгар ыҥырдылар.

  1. «а» кылаас үөрэнээччитэ Диана Борисова далааһыннаах тэрээһиҥҥэ кыттан кэлбитин туһунан санаатын бу курдук үллэстэр:
  • Мин бу үлэбин ис-сүрэхпиттэн сөбүлээн, интэриэһиргээн чинчийдим. Ол түмүгэр магнитнай убаҕаһы икки ньыманан оҥорон таһаарыахха сөп эбит диэн дакаастаатым. Дисперсионнай ньыма – лазер принтерин туонера уонна арыы холбоһуга; конденсация ньымата – үс валеннаах тимир хлоридын, икки валеннаах тимир сульпаатын амиак растворын холбоһуга. Магнит убаҕаһын принтердарга, уу үрдүттэн ниэп бээтинэлэрин ыларга, рак ыарыыларын эрдэттэн билэргэ туһаныллар. Күрэххэ үгүс кыттааччы кэлбит. Олус ураты ис хоһоонноох үлэлэри бэлиэтии көрдүм – «Квантовай бессметрие» - квест-ооньуу, «Социальнай ситим оҕоҕо дьайыыта», «Эргэрэн саһарбыт кумааҕылары саҥатыгар түһэрии» курдук киһи сэргиир үлэлэрэ үгүс. Сочи куоракка халлаан сайыҥҥылыы турар, биһиги Хара муораҕа сөтүөлээтибит. Салайааччыларбар, оскуолабар махталбын тиэпдэбин.

Бу курдук, үөрэнээччилэрбит наука эйгэтигэр бастакы хардыылары оҥорон, атын омук оҕолорун кытта биир кэрдиискэ сайдан киэҥ эйгэҕэ тахсаллар.

Просмотров: 28 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]