Главная » 2015 » Май » 4 » “Святые матери” бырайыак
09:30
“Святые матери” бырайыак

Быйылгы үөрэх дьылыгар СР Үөрэҕин Министерствотын Россия ийэлэрэ общественнай хамсааһына, республика дьиэ кэргэн, ыччат политикатыгар министерствотын, республика военнай комиссириатын, республикатааҕы ветераннар советтарын кытта Кыайыы 70 сылыгар аналлаах Кыайыы Ытык Ийэлэрэ диэн республиканскай конкурсу тэрийэн ыыттылар.

В.П.Ларионов аатынан Майа орто оскуолатын үөрэнээччилэрэ, учууталлара бу проекка ситиһиилээхтик кытынныбыт. Сыл устата үөрэнээччилэр сэриигэ баран сүппүт, өлбүт буойуннар, кинилэр ийэлэрин ааттарын тилиннэрэр сыаллаах чинчийэр, көрдүүр ис хоһоонноох үлэни оҥордулар. Барыта 35 дьиэ кэргэни үөрэттибит. Онтон отуччата Мэҥэ-Хаҥалас улууһун буойуннара уонна уончата Бүлүү, Үөһээ Бүлүү, Нам, Уус-Алдан дьоно. Үлэ түмүгүнэн альбом оҥоһулунна, буойуннар тустарынан льон ахтыылара видеоҕа уһулунна. Үөһээ ааттаммыт улуустар музейдарын фондаларыттан элбэх матырыйаалы ыллыбыт. Ол курдук Нам краеведческэй музейын сотруднига И.З. Кривошапкины кытта көрсүспүппүт.  Уус-Алдан Дүпсүнүн музейын салайар Ховрова М.Н., Үөһээ Бүлүү Харбалааҕыттан, Бүлүү Тааһаҕарыттан, Чочутуттан буойуннар тустарынан элбэх матырыйаалы ыллыбыт.

Сыралаах үлэ түмүгэр биһиги оскуолабыт бу конкурска Архивная работа диэн номинацияҕа бастакы миэстэни ылан үөрдүбүт. Ону таһынан Искорка диэн чинчийэр этэрээппит министр Ф.В. Габышева илии баттааһыннаах өлбүт буойуттар ийэлэрин ааттарын үйэтитиигэ киллэрбит кылаатын иһин диэн ис хоһоонноох диплом ылла.

В.П.Ларионов аатынан Майа орто оскуолатын история, обществознание предметтэрин учуутала Н.Г. Черкашина

Просмотров: 503 | Добавил: beteamfedor | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]