Главная » 2012 » Ноябрь » 15 » Учууталларга - күһүҥҥү оскуола
11:44
Учууталларга - күһүҥҥү оскуола

Үөрэхтээһин федеральнай государственнай саҥардыллыбыт стандарта (ФГОС) олохпутугар сыыйа киирэн иһэр.  Биһиги оскуолабытыгар бастакы, иккис, 4 «в», 5 «в» кылаастар саҥардыллыбыт стандартынан µөрэнэллэр. Саҥардыллыбыт стандарт уруккуттан уратытынан уөрэхтээһин сүрүн программаларын тутулугар, бу программаларга олоҕуран үөрэҕи-иитиини көдьүүстээхтик тэрийии уонна ситиһиилээх түмүктэргэ ирдэбиллэр тураллар.

    Сэтинньи 6-7 күннэригэр оскуолабытыгар учууталллар профессиональнай таһымнарын үрдэтэргэ анаан семинар  буолан ааста.

   Бастакы күҥҥэ үөрэҕирии оройуоннааҕы управлениетын специалистара Дьячковская Л.Н. уонна Сидорова Т.В. учууталларга методическай көмө оҥордулар. Людмила Николаевна  «Уруок саҥа стандарты олоххо киллэрии усулуобуйатыгар” теманан теориятын хабан уонна практическай сорудахтардаах бэрт интириэһинэй, олус туһалаах семинары ыытта. Уруок  технологическай картатын толорого, уруогу ханнык критерийдэринэн сыаналыырга, традиционнай методынан ыытыллар уруок уонна саҥа стандарт ирдэбилинэн уруок уратыларын, учуутал уонна үөрэнээччи уруокка кыттыыларын (үлэлээһиннэрин) боппуруостарыгар тохтоото.

  Сидорова Т.В. "Метод проектов” теманан истээчилэр бол5омтолорун тарта. Татьяна Васильевна  үөрэхтээһин боппуруоһугар государство политикатын туһаайыыларын учууталларга билиһиннэрдэ. ИПД технологиятынан уруок традиционнай уруогу баһыйар өрүттэрин чопчулаата, проектирование араас көрүҥнэригэр тохтоото.  Бу технологияны оскуола олоҕун бары хайысхатыгар  хайдах киллэрэргэ сүбэлэри биэрбитин  учууталлар бэркэ сэргээн иһиттилэр. Татьяна Васильевна учууталлар ыйытыктарыгар эппиэттээтэ,  туһалаах  кэпсэтии таҕыста.

  Иккис куҥҥэ учууталлар  5 бөлөххө  арахсан  араас темаларга саҥардыллыбыт стандартка сөп түбэһэр метауруок бырайыактарын оҥорорго күрэхтэстилэр уонна бырайыактарын коллектив иннигэр көмускээтилэр. «Куйаар» бөлөх «Дьөһөгөй-олох-айыы» диэн уруок тематын талан баай ис хоһоонноох, ирдэбилгэ барытыгар эппиэттиир, кэрэхсэбиллээх уруок бырайыагын оҥорон «Лучший проект» номинация хаһаайынынан буолла. «Дьөһөгөй» бөлөх «Человек: раб или хозяин природы?»  теманан «Деятельностный проект» номинация5а тигистэ. «Подсолнухи» бөлөх «Актуальный проект» номинацияны «Табачный дым или «Ежик в тумане»» теманан уруок бырайыагын  толору арыйан ылла.  «Галилео» бөлөх «Путешествие из Лилипутии в Великанию» теманы сатабыллаахтык арыйан  «Креативность» номинацияҕа тигистэ. «Снежинки» бөлөх «Снег кружится, летает, летает...» теманан элбэх араас формалардаах, этаптардаах уруок бырайыагын көмускээн «Разнообразие форм» номинациянан бэлиэтэннэ. Бөлөхтөр сертификатынан, кыра бириистэринэн наҕараадаланнылар, минньигэс торт сиэтилэр.                

Просмотров: 555 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]