Главная » 2016 » Декабрь » 13 » Улусный конкурс "Будущий дипломат"
06:58
Улусный конкурс "Будущий дипломат"

«Будущий дипломат» улуустааҕы күрэх

Ахсынньы 8 күнүгэр В.П. Ларионов аатынан Майа орто оскуолатыгар «Будущий дипломат – 2017» Республикатааҕы күрэх улуустааҕы түһүмэҕэ ыытылынна. Күрэххэ В.П. Ларионов, Ф.Г. Охлопков  аатынан Майа, Төҥүлү орто оскуолаларын уонна Майатааҕы лицей 7-11 кыл. үөрэнээччилэрэ түөрт хамаандаҕа арахсан түһүмэхтэринэн история, обществознание, тыл дисциплиналарыгар билиилэрин тургутар дебаттарга күрэхтэстилэр, английскай тылын билиилэрин таһымын көрдөрөр ыйытыктарга хоруйдаатылар уонна кэтэхтэн ыытыллыбыт эссе күрэҕэр кытыннылар. Ол курдук, алын лига кыттааччыларыгар норуоттар икки ардыларынааҕы политическай сыһыаннаһыы, Саха сиригэр кыраайы үөрэтии, английскай тылы билии тиэмэлэригэр «Тобул» ток-шоу ыытылынна.  Үрдүкү лига кыттааччыларыгар Карл Поппер халыыбынан «Дебаты» күрэх тэрилиннэ. Кыттааччылар «Россия уонна Япония икки ардыларынааҕы политическай сыһыаннаһыыларын инникитэ», «АХШ Президенин 2016 с быыбарын кэнниттэн Роосия уонна АХШ икки ирдыларынааҕы сыһыаннаһыыларын инникитэ», «Норуоттар икки ардыларынааҕы сыһыаннаһыы аныгы тиһигэ уонна геополитическай балансата» диэн тиэмэлэргэ тус билиилэрин көрдөрөр дебаттарга кытыннылар, утарылаһааччы хамаанда, дьүүллүүр сүбэ биэрэр ыйытыктарыгар хоруйдаатылар.

Күрэх түмүгүнэн, кыайыылаахтар ааттаннылар, Республикаҕа улуус чиэһин көмүскүүр хамаанда састааба талылынна. I ст. Диплом – Алина Эверстова (В.П. Ларионов аатынан Майа орто оскуолата), Толя Николаев (Төҥүлү орто оскуолата, 7 кылаас), Илья Шарин (Майатааҕы лицей), II ст Диплом – Алексей Слепцов (Ф.Г. Охлопков аатынан Майа орто оскуолата, 9 кыл), Варя Варламова (В.П. Ларионов аатынан Майа орто оскуолата, 9 кыл), Алексей Слепцов (Ф.Г. Охлопков аатынан Майа орто оскуолата, 9 кыл), III ст Диплом – Майя Бурнашева ( Ф.Г. Охлопков аатынан Майа орто оскуолата, 9 кыл), Айыллаан Баишев (Төҥүлү орто оскуолата, 7 кыл), Максим Уваровскай (9 кыл).

«Лучший спикер «Отрицание»  анал аат – Илья Шарин (Майатааҕы лицей), «Лучший спикер «Утверждение» - Майя Бурнашева (Ф.Г. Охлопков аатынан Майа орто оскуолата).

Просмотров: 6 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]