Главная » 2016 » Сентябрь » 22 » В.П. Ларионов аатынан Майа орто оскуолата Россиятааҕы үөрэнээччилэр хамсааһыннарыгар пилотнай оскуола буолла
11:45
В.П. Ларионов аатынан Майа орто оскуолата Россиятааҕы үөрэнээччилэр хамсааһыннарыгар пилотнай оскуола буолла

В.П. Ларионов аатынан Майа орто оскуолата Россиятааҕы үөрэнээччилэр хамсааһыннарыгар пилотнай оскуола буолла.

    2015 сыллаахха дойдубут Президентэ Владимир Путин Укааһынан үүнэр көлүөнэни иитиигэ судаарыстыбаннай политиканы сайыннарар сыаллаах «Россиятааҕы үөрэнээччилэр хамсааһыннара» (Салгыы РДШ – Российское движение школьников) общественнай-судаарыстыбаннай оҕо тэрилтэтэ тэриллэн кэскиллээх үлэни саҕалаата. Дойду бары муннугар хамсааһын чаастара аһылыннылар. Онно оскуолаларга үлэлии-хамсыы сылдьар оҕо общественнай тэрилтэлэрэ киирэн биир сүүрээҥҥэ сомоҕолостулар. Даҕатан эттэххэ, «РДШ» Саха сиринээҕи региональнай олохтуур кэмпириэнсийэтэ бу сыл муус устар 21 күнүгэр Дьокуускай куоракка ыытыллыбыта. Онно Республикатааҕы «Дьулуур» оҕо сомоҕо хамсааһына РДШ састаабыгар киирэрин туһунан быһаарыллыбыта. Билиҥҥи кэмҥэ Россиятааҕы үөрэнээччилэр хамсааһыннарын сайдыытыгар 10 пилотнай оскуола талылынна. Ол иһигэр  Саха сириттэн В.П. Ларионов аатынан Майа орто оскуолата биир бастакынан киирдэ (дириэктэр – Игнатьева С.К, «Клуб Ларионовцы» оскуола оҕолорун общественнай тэрилтэтин салайааччыта, оскуола педагог-организатора Иванова Л.К). Атырдьах ыйын 21 – 24 күннэригэр Москва куоракка ыытыллыбыт Россиятааҕы үөрэнээччилэр хамсааһыннарын сүбэ мунньаҕар пилотнай оскуола организаторын быһыытынан кыттынным. Сүбэ мунньах Москватааҕы Судаарыстыбаннай педагогическай институтка ыытылынна. Дойдубут 83 регионуттан уопсайа 300-чэкэ делегат кытынна. Саха сириттэн 4 киһилээх делегация буолан тиийдибит («Россиятааҕы оҕо киинин» регионнааҕы исписэлииһэ Нюргуяна Макарова, Уус-Яна улууһун Хаһааччыйа орто оскуолатын дириэктэри иитэр үлэҕэ солбуйааччыта Розалия Горохова, Саха республикатын педагогическай этэрээттэрин бэрэссэдээтэлэ Александра Антоева). Тэрээһиҥҥэ Россия геройа, летчик-космонавт Рязанский Сергей Николаевич  бэрэссэдээтэл быһыытынан ыалдьыттаата.

        Россиятааҕы үөрэнээччилэр хамсааһыннарын судаарыстыбаннай тэрилтэтэ «Информационнай-медийнэй», «Гражданскайкөҕүлээһин», «Личнстьбыһыытынансайдыы», «Байыаннай-патриотическай» хайысхаларынанүлэлиэҕэ. Онон бу түөрт сүрүн хайысхаларынан хамсааһын сайдыахтаах. Сүбэ мунньах сүрүн соруга – оҕо общественнай тэрилтэлэрин кытта үлэлэһэ сылдьар салайааччылары үөрэтии, үлэ хаамыытыгар сана атастаһыы, сүбэлэһии, тэрээһиннэри ырытыһыы, бырайыагынан үлэҕэ уопут атастаһыыта буолла.

      - Саха Сиригэр общественнай тэрилтэтин холбоһуга быйыл 25 сылын үбүлүөйдүүр. Бу 25 сыл тухары республикаҕа оҕо хамсааһына ыһыктыбакка ыытыллан кэлбитэ сүҥкэн улахан оруолу оонньуур, Россиятааҕы оҕо хамсааһына тэриллэригэр төһүү күүс буолар. Онон дойду таһымыгар республикабыт оҕо сомоҕо хамсааһына да, үөрэнээччилэр бэйэни салайыныылара да бигэ туруктаах, ситиһиилээх тэриллии быһыытынан көһүннэ.

      - Россиятааҕы оскуола үөрэнээччилэрин хамсааһыныгар проект быһыытынан үлэбитин көмүскээн, анал программаны, көрүүнү, куонкурсу ааһаммыт киирдибит. Эрдэттэн биллэриллибит куонкурус балаһыанньатынан матырыйааллары ыыппыппыт. Ол түмүгэр, пилотнай оскуола буолбуппут туһунан Бүтүн Россиятааҕы сертификаты Москваҕа үөрүүлээх быһыыга-майгыга туттардылар. Онон Россиятааҕы үөрэнээччилэр хамсааһыннарын хайысхата Саха сиригэр сайдарыгар үлэлэһэбит.           

Изабелла Романова

 

Просмотров: 242 | Добавил: mayaschool | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]